Buyukdir g'alabamiz,
"Zalatoy" "galavamiz",
Kim nima desa desin,
Bugun biz talabamiz.

O‘qi degan itoblar,
O‘qi degan xitoblar,
Tonna-tonna kitoblar,
Bugun biz talabamiz.

Och qolgan kunlar uchun,
Ko‘p bedor tunlar uchun,
Va yana kimlar uchun,
Bugun biz talabamiz.

Mana sizga matonat,
Do‘stlar bo‘ling salomat,
Eng yaxshi, eng zo‘r holat,
Bugun biz talabamiz.

Ey siz, yurgan to‘ralar,
Aqli hamon g‘o‘ralar,
Bizdan kulgan jo‘ralar,
Bugun biz talabamiz.

Aziz bo‘lib yurt-elda,
Qancha quvonch bor dilda,
Yig‘lab kulib bir yilda,
Bugun biz talabamiz.

Yurdik ko‘pmi-oz bilan,
Gohida qish-yoz bilan,
Eng kuchli ustoz bilan,
Bugun biz talabamiz!!!

Shodlik cheksiz, ko‘z namda,
Biz eng zo‘ri rostan-da
Zo‘o‘o‘r abituriyent hamda,
Bugun biz talabamiz.

©Asliddin Sabriddinov
(Nechadir yillar oldin yozilgan she'r)

@Ona_tili_va_adabiyot_N1