​Men nega dasturlashni oʻrganyapman?

🤔 Bu haqida ko'p o'yladim, ikkilandim rostiga ham dasturlash men uchunmi yoki shunchaki puliga qizayotgan ekanmanmi deb. Shu paytgacha bir nechta sohalarda o'zimni sinab ham ko'rdim. To'g'risi o'zimni quruqlikdagi baliqday his qildim. Aslida, dasturlashni o'qishni qat'iy maqsad qilib, shunchaki birinchi ozgina pul topib noutbukni o'zim xarid qilmoqchi edim. Lekin, hech nimadan afsuslanmayman, qadarimga mutloq taslimman.

🎯 Menimcha menga eng to'g'ri keladigan soha bu shubhasiz dasturlash. Sababi maktab davrida matematika va ingliz tilini yaxshi o'qidim, hattoki ozmi ko'pmi natijalar qildim. Yoshligimdan mantiqqa oshno bo'lib o'sdim. Albatta, bunda ikki insonning hissa beqiyos. Biri meni darslarga yetaklab borgan, meni o'qishimni rag'batlantirgan volidam bo'lsa, biri ustosim, Xalq ta'limi a'lochisi, yilning eng yaxshi informatika o'qituvchisi, Umid akadir. Bizda ''haqiqatdan'' informatika darsi bo'lar, Paskal va Delphi dasturlash tillari o'rgatilardi. Dasturlashga bo'lgan ishtiyoqim ana shu kezlarda uyg'ongan bo'lsa ne ajab.

👨‍💻 Xullas hozir Najot ta'lim da tahsil olayapman, va o'ylaymanki o'quv markazi tanlashda adashmadim...