Нукус шаҳридаги Академик Ё.Х.Турақулов номидаги Республика ихтисослаштирилган эндокринология илмий-амалий тиббиёт Маркази Қорақалпоғистон Республикаси филиали мажлислар залида Ўзбекистон “Адолат” СДП Қорақалпоғистон Республикаси ва Нукус шаҳар Кенгашлари томонидан “Қандли диабетга қарши курашиш ҳафталиги” лойиҳаси доирасида “Қандли диабетга қарши курашнинг асосий қоидалари” мавзусида семинар бўлиб ўтди.
Семинарда Ўзбекистон “Адолат” СДП Қорақалпоғистон Республикаси Кенгаши раиси ўринбосари Ш.Торешова , Нукус шаҳар Кенгаш раиси Б. Машариповалар иштирок этди. Семинарда Академик Ё.Х.Турақулов номидаги Республика ихтисослаштирилган эндокринология илмий-амалий тиббиёт Қорақалпоғистон Республикаси филиали шифокори, эндокринолог Р. Бердимуратова қандли диабетга қарши курашнинг асосий қоидалари ҳақида илмий маъруза қилди.
Йиғилишда Ўзбекистон “Адолат” СДП Қорақалпоғистон Республикаси Кенгаши раис ўринбосари Ш.Торешова сўзга чиқиб, қандли диабетни олдини олиш, соғлом турмуш, соғлом ва тўғри овқатланиш масалалари ва аҳоли орасида қандли диабет касаллигининг олдини олиш буйича бажарилиши зарур бўлган вазифалар ҳақида ўз фикр ва мулоҳозалари билан ўртоқлашди.