"Geshtalt ochilib qoldi", "Geshtalt yopilmadi" – bu nimani anglatadi?
Ushbu jumlalarni eshitganmisiz? Soʻnggi yillarda psixologiyaga qiziqadiganlar orasida “geshtalt ochilib qoldi”, “geshtalt yopilmadi” kabi iboralar juda ommalashib ketdi. Koʻpchilik bu iboralarni tushunmasdan ishlatadi yoki ularni "yarim qolgan ishlar" degan maʼnoda qabul qiladi. Aslida, bu tushunchalar Geshtalt psixologiyasi va terapiyasidan kelib chiqqan boʻlib, insonning hissiy tajribasi bilan bevosita bogʻliq.
📌Demak, geshtalt oʻzi nima degani?
"Geshtalt" soʻzi nemischa Gestalt soʻzidan olingan boʻlib, "butunlik", "tuzilma", "shakl" kabi maʼnolarni anglatadi. Geshtalt psixologiyasi va terapiyasida bu tushuncha insonning ongida mavjud boʻlgan, tugallanmagan yoki yechilmagan jarayonlar degan maʼnoda qoʻllaniladi.
Agar inson qandaydir muhim jarayon yoki hissiy holatni oxirigacha yetkazmasa, yaʼni, uni tugata olmasa, u ochiq geshtalt holatida qoladi. Bu esa inson ongida bevosita bosim, bezovtalik va hatto stress holatini keltirib chiqarishi mumkin.
📌"Geshtalt ochilib qoldi" va "Geshtalt yopilmadi" iboralari nimani anglatadi?
Bu iboralar aslida Geshtalt terapiyasining asosiy tushunchalaridan biri – insonning tugallanmagan hissiy jarayonlarini tushunish va ishlov berish bilan bogʻliq.
➡️"Geshtalt ochilib qoldi" — qandaydir hissiy jarayon yoki ichki kechinmalarni anglash, esga olish yoki his qilishni anglatadi.
Misol: Kimdir sizni juda qattiq xafa qilgan, lekin siz bunga ilgari eʼtibor bermagan boʻlsangiz, shu hodisani eslaganingizda, bu siz uchun "ochilgan geshtalt" boʻladi.
➡️"Geshtalt yopilmadi" — inson hayotida qandaydir jarayon tugallanmay qolganini va u hozir ham taʼsir qilayotganini bildiradi.
Misol: Agar kimgadir xat yozmoqchi boʻlib, lekin hech qachon joʻnatmagan boʻlsangiz, yoki ajralishdan keyin yillar oʻtgan boʻlsa-da, ichingizda hanuz u inson bilan bogʻliq kechinmalar mavjud boʻlsa – bu yopilmagan geshtalt.
➡️Yana ham oddiy qilib tushuntiraman:
Tasavvur qiling, siz musiqa tinglayapsiz, lekin musiqaning oxirgi, yakunlovchi notasi chalinmay qolib ketdi. Sizga gʻalati tuyuladi, shunaqami? Ichingizda shu musiqa tugallanmagandek hissiyot paydo boʻladi. Xuddi shunday, hayotda ham biz nimanidir tugallamasak, ongimiz va his-tuygʻularimiz doimo shu "oxirgi nota"ni izlaydi.
Yana misollar:
▫️Kimdandir kechirim soʻramoqchi boʻlib, lekin aytolmadingiz – bu yopilmagan geshtalt.
▫️Muhabbat izhor qilmoqchi edingiz, lekin jurʼat etmadingiz – bu yopilmagan geshtalt.
▫️Biror inson sizni xafa qildi, lekin siz unga javob bera olmadingiz – bu yopilmagan geshtalt.
📌Bugungi kunda "geshtalt" tushunchasi ijtimoiy tarmoqlarda ommalashgan va koʻpincha notoʻgʻri qoʻllanadi. Aslida, bu tushuncha inson psixologiyasida chuqur ildizlarga ega va tugallanmagan hissiy jarayonlarni anglatadi.
Xullas, shunaqa gaplar 😊
©️ Psixologiya
Ushbu jumlalarni eshitganmisiz? Soʻnggi yillarda psixologiyaga qiziqadiganlar orasida “geshtalt ochilib qoldi”, “geshtalt yopilmadi” kabi iboralar juda ommalashib ketdi. Koʻpchilik bu iboralarni tushunmasdan ishlatadi yoki ularni "yarim qolgan ishlar" degan maʼnoda qabul qiladi. Aslida, bu tushunchalar Geshtalt psixologiyasi va terapiyasidan kelib chiqqan boʻlib, insonning hissiy tajribasi bilan bevosita bogʻliq.
📌Demak, geshtalt oʻzi nima degani?
"Geshtalt" soʻzi nemischa Gestalt soʻzidan olingan boʻlib, "butunlik", "tuzilma", "shakl" kabi maʼnolarni anglatadi. Geshtalt psixologiyasi va terapiyasida bu tushuncha insonning ongida mavjud boʻlgan, tugallanmagan yoki yechilmagan jarayonlar degan maʼnoda qoʻllaniladi.
Agar inson qandaydir muhim jarayon yoki hissiy holatni oxirigacha yetkazmasa, yaʼni, uni tugata olmasa, u ochiq geshtalt holatida qoladi. Bu esa inson ongida bevosita bosim, bezovtalik va hatto stress holatini keltirib chiqarishi mumkin.
📌"Geshtalt ochilib qoldi" va "Geshtalt yopilmadi" iboralari nimani anglatadi?
Bu iboralar aslida Geshtalt terapiyasining asosiy tushunchalaridan biri – insonning tugallanmagan hissiy jarayonlarini tushunish va ishlov berish bilan bogʻliq.
➡️"Geshtalt ochilib qoldi" — qandaydir hissiy jarayon yoki ichki kechinmalarni anglash, esga olish yoki his qilishni anglatadi.
Misol: Kimdir sizni juda qattiq xafa qilgan, lekin siz bunga ilgari eʼtibor bermagan boʻlsangiz, shu hodisani eslaganingizda, bu siz uchun "ochilgan geshtalt" boʻladi.
➡️"Geshtalt yopilmadi" — inson hayotida qandaydir jarayon tugallanmay qolganini va u hozir ham taʼsir qilayotganini bildiradi.
Misol: Agar kimgadir xat yozmoqchi boʻlib, lekin hech qachon joʻnatmagan boʻlsangiz, yoki ajralishdan keyin yillar oʻtgan boʻlsa-da, ichingizda hanuz u inson bilan bogʻliq kechinmalar mavjud boʻlsa – bu yopilmagan geshtalt.
➡️Yana ham oddiy qilib tushuntiraman:
Tasavvur qiling, siz musiqa tinglayapsiz, lekin musiqaning oxirgi, yakunlovchi notasi chalinmay qolib ketdi. Sizga gʻalati tuyuladi, shunaqami? Ichingizda shu musiqa tugallanmagandek hissiyot paydo boʻladi. Xuddi shunday, hayotda ham biz nimanidir tugallamasak, ongimiz va his-tuygʻularimiz doimo shu "oxirgi nota"ni izlaydi.
Yana misollar:
▫️Kimdandir kechirim soʻramoqchi boʻlib, lekin aytolmadingiz – bu yopilmagan geshtalt.
▫️Muhabbat izhor qilmoqchi edingiz, lekin jurʼat etmadingiz – bu yopilmagan geshtalt.
▫️Biror inson sizni xafa qildi, lekin siz unga javob bera olmadingiz – bu yopilmagan geshtalt.
📌Bugungi kunda "geshtalt" tushunchasi ijtimoiy tarmoqlarda ommalashgan va koʻpincha notoʻgʻri qoʻllanadi. Aslida, bu tushuncha inson psixologiyasida chuqur ildizlarga ega va tugallanmagan hissiy jarayonlarni anglatadi.
Xullas, shunaqa gaplar 😊
©️ Psixologiya