HOKIM ZARAFSHONLIK YOSH KITOBXONLAR XONADONIDA BO‘LDI

🖐Zarafshon shahar Yangi Zarafshon mahallasi yoshlaridan Nastarin Ibrohimova 10-14 yosh toifasida, Besh tashabbus olimpiadasi doirasida o‘tkazilgan "Yosh kitobxon" ko‘rik-tanlovining viloyat bosqichida faxrli 1-o‘rinni qo‘lga kiritdi. Bu yutuq nafaqat uning o‘ziga, balki butun Zarafshon shahriga faxr keltirgan katta yutuq bo‘ldi.

📌E'tiborlisi shundaki, Nastarinning opasi Aziza Ibrohimova, 2022-yilda ayni shu ko‘rik-tanlovning respublika bosqichida birinchi o‘rinni egallab, Prezident  sovg‘asi spark avtomobilini qo‘lga kiritgan edi. Opa-singillarning bu yutug‘i oilada kitobxonlik madaniyatining shakllanishida ota-onaning o‘rni naqadar katta ekanligini yana bir bor isbotladi.

📖 Bugun, shahar hokimi Nazirbek Rahmanov, shahar prokurori Shavkat Shernazarov, hokim o‘rinbosari, Xalq deputatlari shahar kengashi deputatlari va boshqa mutasaddilar birgalikda Ibrohimovlar oilasini ushbu yutuq bilan qutlash uchun ularning xonadoniga tashrif buyurishdi.

➡️Shahar hokimi oilani ushbu yutugʻ bilan samimiy tabriklab, Nastaringa tanlovning keyingi bosqichida ham omad tiladi. Shuningdek, jarayonda qizlarning otasi Narziyev Jondullo Ibrohimovich tashakkurnoma bilan taqdirlandi va  oila a'zolariga shahar hokimi va 2-sektor rahbari tomonidan maxsus sovg‘alar hamda "Kitob ulashamiz"  aksiyasi doirasida kitoblar jamlanmasi topshirildi.

✔️Zarafshon shahar hokimligi
Axborot xizmati

🌐Telegram | 🌐Facebook | 🌐Veb Sayt