🏆 Zakovat Rektor kubogi!

⚡️2024-yil 16-noyabr kuni Zakovat intellektual o‘yini bo‘yicha Urganch Ranch texnologiya universiteti talabalari o‘rtasida Rektor kubogi musobaqasi final o‘yini qizg‘in kurashlarga boy bo‘ldi. Final o‘yinida fakultetlarda g‘oliblikni qo‘lga kiritgan 11 ta jamoalar safida 66 nafar talaba ishtirok etdi. Hakamlar hayatini Zakovat intellektual o‘yini bo‘yicha viloyat koordinatori Azamat Matkarimov boshqarib bordi.

Musobaqa yakunlariga ko‘ra,

🥇 1-o'rinni O‘zbek tili filologiyasi ta’lim yo‘nalishi talabalaridan tashkil topgan “Mira” jamoasi;
🥈 2-o'rinni “Inovatsion texnologiyalar” jamoasi;
🥉 3-o'rinni Ingliz tili filologiyasi talaba qizlaridan tashkil topgan “Intellekt” jamoasi qo‘lga kiritdilar.

🎁 G‘olib jamoa a’zolariga 1-darajali diplom, Samsung Tab planshetlari hamda Rektor kubogi tantanali ravishda topshirildi. Sovrinli o‘rinlarni qo‘lga kiritgan jamoalarga ham tegishli diplomlar va sovg‘alar taqdim etildi.

✅ Ranch - bu katta imkoniyatlar universiteti!

👉 @OTM_XORAZM