Nodavlat oliygohlar

⚡️Davlat xavfsizlik xizmatida (DXX) ishlash uchun qanday talablar keltirilgan:

1. Oliy ma'lumot: DXXga ishga kirish uchun oliy ma'lumot talab qilinadi. Ko'pincha yuridik, xalqaro munosabatlar, iqtisodiyot, axborot texnologiyalari, harbiy fanlar, xorijiy tillar yoki boshqa tegishli sohalardagi mutaxassisliklar afzal hisoblanadi (harbiy xizmatni o'tagan bo'lishi kerak). Umuman olganda barcha yo'nalishlarni bitirib hujjat topshirish mumkin.

2. Maxsus tayyorgarlik: Nomzodlar maxsus tayyorgarlikdan o'tishi kerak. Bu tayyorgarlik DXXning o'ziga xos talablari va faoliyat yo'nalishlariga mos keladi. Unda jismoniy tayyorgarlik, maxfiy ma'lumotlar bilan ishlash qobiliyati va xavfsizlik choralariga rioya qilish ko'nikmalari rivojlantiriladi.

3. Jismoniy va psixologik tayyorgarlik: DXXning ko'p vazifalari yuqori jismoniy va psixologik chidamlilikni talab qiladi. Nomzodlar tibbiy va psixologik ko'rikdan o'tishi lozim.

4. Qonunchilik va xavfsizlik sohasidagi bilimlar: Davlat xavfsizligi, jinoyat huquqi, konstitutsiyaviy huquq, terrorizm va ekstremizmga qarshi kurashish, hamda razvedka va kontrrazvedka faoliyatlari bo'yicha chuqur bilimlar talab qilinadi.

5. Maxfiylikni saqlash qobiliyati: DXX xodimlaridan yuqori darajada maxfiylik va davlat sirlarini saqlash qobiliyati talab qilinadi. Buning uchun maxsus ishonchlilik tekshiruvidan o'tkaziladi.

6. Tillarni bilish: O'zbek tilini mukammal bilish talab etiladi. Xorijiy tillar, ayniqsa, rus, ingliz, va boshqa strategik tillarni bilish katta afzallik hisoblanadi.

7. Xarakter va psixologik xususiyatlar: Xavfsizlik xizmati xodimlari yuqori darajadagi intizom, mas'uliyat, sinchkovlik va stressga chidamli bo'lishi kerak.

8. Ish tajribasi: Ba'zan boshqa davlat idoralarida, jumladan harbiy xizmatda yoki huquqni muhofaza qilish organlarida ishlash tajribasi afzal ko'riladi.

DXXga ishga kirish jarayoni qattiq seleksiya va ko'p bosqichli tekshiruvlarni o'z ichiga oladi, bu jarayonda har bir nomzodning yuridik, jismoniy va psixologik holati sinovdan o'tadi.

✅ @Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Xususiy oliygohlar faoliyatiga keng yoʻl ochib berildi

Lekin ularda pedagogika yoʻnalishi boʻyicha oʻqiyotgan talabalarning 70 foizi maktabgacha taʼlim, boshlangʻich taʼlim va filologiya boʻyicha tayyorlanmoqda.

“Aniq va tabiiy fanlar boʻyicha pedagoglarni koʻpaytirmasak, IT, “yashil” energetika, “sunʼiy intellekt”, “yangi materiallar” kabi dolzarb sohalarga minglab kadrlarni qayerdan yetkazamiz?

Bundan buyon xususiy oliygohlardagi pedagogik yoʻnalishlar davlat institutlari bilan bir xil boʻladi”, - dedi Prezident.

Ulardagi pedagoglar va talabalar bilimi tashqi diagnostikadan oʻtkaziladi. Shu orqali nodavlat oliygohlarda pedagog tayyorlash sifati nazoratga olinadi.

✅@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Tyutorlik faoliyatiga jalb qilingan xodimlarga oylik maoshi quyidagicha belgilanadi:

tyutor – “Oʻqituvchi-stajyor” bazaviy lavozim maoshining 70 foizi miqdorida;

yetakchi tyutor – “Oʻqituvchi-stajyor” bazaviy lavozim maoshiga;

bosh tyutor –“Assistent oʻqituvchi (ilmiy daraja yoki ilmiy unvonga ega boʻlgan)” bazaviy lavozim maoshiga tenglashtiriladi.

✅ @Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Endilikda har bir universitet va institut talabalari uchun maxsus talaba formasi joriy etiladi

2025-yil 1-avgustga qadar har bir oliy taʼlim tashkiloti o'z tarixiy rivojlanishi, ijtimoiy vazifasi va zamonaviy talablarga asoslangan noyob imij va brend konsepsiyasini ishlab chiqishi lozim.

✅ @Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Xususiy oliygohlarda kontrakt narxi ko'tariladimi?

Hozircha bu aniqmas. Sirtqi ta'lim yopilganligi sababli endi xususiy oliygohlar asosan kunduzgi ta'lim shakliga talabalarni qabul qilishga majbur. Kunduzgi ta'lim harajatlari esa yaxshigina summani tashkil etadi. Ayniqsa talabani yotoqxona bilan ta'minlash majburiyati ham kattagina harajat.

Hozircha xususiy oliygohlarda kontrakt summalari oshgani haqida ma'lumotlar mavjud emas, biroq vaziyatga real baho berilsa ikki xil holat yuzaga kelishi mumkin:

1. Barcha xususiy oliygohlarda kontrakt narxlari keskin oshadi. (Bir talabani o'qitish harajatlari aslida kontrakt summasidan qimmatroqligi haqida mutaxassislar avval ko'p bor takrorlashgan edi)

2. Askincha kontrakt narxlari tushadi. (Kunduzgi ta'lim o'z jozibadorligini yo'qotayotgan shunday bir paytda talabalarni jalb qilish maqsadida xususiy oliyohlar vaqtinchalik kontrakt narxlarini tushirishlari mumkin)

Albatta buni bozor qonuniyatlarining o'zi tartibga soladi.

✅@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Xususiy oliygoh tanlashdagi eng katta fishka!

Ta'limga aloqasi bo'lmagan bachkana vayner va artistlar orqali o'zini reklama qilayotgan xususiy oliygohlarga yaqinlashmaganingiz ma'qul.

Saviyasiz shaxslar orqali ta'limni reklama qilish saviyali odamlarning ishi emas. Bunday odamlarning qo'l ostida ta'lim olish esa aqilli odamlarning ishi emas.

Xulosa o'zingizdan!

✅@Nodavlat_oliygohlar – nodavlat oliygohlar haqida so'nggi ma'lumotlar bazasi

⚡️Sirtqi ta'lim yopilgan bo'lsa, o'qishni ko'chirish tartibi qanday bo'ladi?

Xabaringiz bor, 2025/2026 o'quv yilidan barcha ta'lim yo'nalishlari uchun sirtqi ta'lim shakli butkul yopildi. Bu o'z navbatida o'qishni ko'chirishga oid savolni o'rtaga tashlaydi.

Xo'sh endi sirtqi ta'limga o'qishni ko'chirish mumkinmi?

Ha albatta mumkin. Sirtqi ta'lim yopilishiga oid farmon yangi qabul qilinuvchi abituriyentlarga taalluqli bo'lib, o'qishni ko'chiruvchilar uchun hozircha qisman taalluqli emas, ya'ni quyidagilar mumkin:

✅Xorijdan sirtqi ta'limga o'qishni ko'chirish;
✅Nodavlat oliygohdan davlat oliygohiga sirtqiga o'qishni ko'chirish;
✅Davlat oliygohining biridan boshqasiga sirtqiga o'qishni ko'chirish (uzrli sabab bilan);
✅Nodavlat oliygohlarning biridan boshqadiga sirtqiga o'qishni ko'chirish;
✅Bir oliygoh ichida sirtqi ta'limga o'qishni ko'chirish;
✅Bir oliygoh ichida kunduzgi ta'limdan sirtqi ta'lim shakliga ko'chirish.

Agarda, o'qishni ko'chirish jarayonida fanlar farqi ko'p chiqishi natijasida 1-kursga qabul qilinish ehtimoli yuzaga kelsa, ana unda sirtqi ta'lim shakliga ko'chirishga ruxsat etilmaydi, majburiy ravishda boshqa ta'lim shakliga ko'chiriladi.

Soddaroq tushuntirsak, bu yilgi o'qishni ko'chirishda 2-3-4-5 kurslar bemalol sirtqi ta'limga "perevod" qilishlari mumkin. Faqatgina fanlar farqi sababli 1-kursga tushib qolish ehtimoli yuzaga kelmasagina.

❗️Izoh: Agarda bu bo'yicha alohida cheklovchi huquqiy hujjat qabul qilinmasa, yuqoridagi tartibda bemalol o'qishni ko'chirishingiz mumkin.

✅@Nodavlat_oliygohlar – nodavlat oliygohlar haqida so'nggi ma'lumotlar bazasi