Abdulaziz Nazirov | Blog

Ha, bu oson ish emas.

Hech kim ko’rsatmagan, o’qitmagan, yordam bermagan.

Men buni o’zgartirmochiman. Birgalikda o’zingizning frameworkingizni yozsak, nima deysiz?

Django, Yii, React, Spring, Ruby On Rails va boshqa millionlab dasturchilar ishlatadigan frameworklariga o’xshaganidan yozsak, nima deysiz?

Tassavvur qilinga. Ish beruvchi sizning rezyumeyingizni ochib qarasa o’zingiz yozgan framework joylangan GitHubda repository turibdi. Bu qanaqa taassurot qoldiradi?

“Demak bu bola o’z ishiga qiziqadi. Chunki no odatiy va oson bo’lmagan ishlar qilibdi. Boshqa dasturchilar uchun framework yozibdi. Bu ancha low-level ish.” degan fikrlar paydo bo’lishi turgan gap. Shaxsan men bunday dasturchilarni intervyuga chaqirgan bo’lar edim va qiziqib qilgan ishi haqida har xil savollar bergan bo’lar edim.

Shu maqsadda men bir qator video darslar yozib chiqdim va shu narsalar haqida ertaga bitta YouTubeda onlayn webinar uyushtirmoqchimiz. O’zbekiston vaqti bilan soat 19:00da.

Webinarda hozirgi IT dunyosidagi holat, karyerada o’sish va shu onlayn kursimiz haqida gaplashamiz. Hohlagan savollaringizga ham javob beramiz. Eng asosiysi aynan shu webinar vaqtidagina katta chegirma taqdim qilamiz. Webinardan so’ng kurs narxi oshadi. Webinar qaysi link orqali bo’lishini ertaga yozib yuboraman.

Sizga kurs qiziq bo’lmasa ham albatta keling. Webinar foydali bo’lishi aniq. Chunki u yerda mendan tashqari Booking.comda dasturchi bo’lib ishlab kelayotgan Khamidulla Inoyatov va EPAMda dasturchi bo’lib ishlab kelayotgan Khumoyun Inoyatovlar ham bo’lishadi. Amazon, Booking va EPAM haqida ham bemalol so’rasangiz bo’ladi 😉

Ertaga ko’rishguncha.

@jakhonrakhmonov

❌ Boykot qilingan mahsulotni qayerdan bilsam bo'ladi?

Yaxshi sayt va kanal topdim. Nima uchun boykot qilinganligi sababigacha aniq va tiniq yozadi.

http://boykotqildim.com
https://t.me/boykot_qildim

Genotsid hamma din va qonunda qoralangan!

#genotsid

@todaysobirjonov

Bir joyda navbatimni kelishini kutayapman.

Navbatsiz kirsam bo'ladi lekin ko'pchilik navbatda turgani uchun ularni oldida hijolat bo'lishni hohlamadim.

3 ta erkak o'tiribdi qarshimdagi stollarda.

Uchchalasi ham instagram yoki tiktokda. Uchchalasiga ham qizig'i yo'q yon atrofidagi insonlarga halaqit qilayotgani. Ovozini baland qilib social mediada o'tiribdi.

Bittasini kuzatib o'tirdim. Qanaqa videolar ko'rayotganini. Komediya(agar shu videolarni shunaqa atab bo'lsa), filmlardan parchalar, motivatsion so'zlar, qo'shiqlar, konsertlar, experiment, trend videolar(ashley look at me)), mashina videolari va tonnalab kategoriya. Miyyani bo'tqasi chiqib ketdi. Hamma narsani aralashmasidan tayyorlangan bo'tqa qorin og'ritadi. Hamma kategoriyani aralashmasidan qilingan "bo'tqa" esa boshni.

Bir soatlardan keyin uyg'onadi, va nega hech omadim kelmaydiya deb hayotdan noliydi. Nega hech narsaga fokusimni qarata olmayapman deb o'zidan noliydi.

Social mediada men ham ko'p o'tiraman. Men kun so'ngida social mediadan nima o'rgandim. Nimalarni o'zimda qo'llay olaman, ishimdan nima yangiliklar qila olaman deyman. Savol beraman.

O'zingizga ko'p ko'p savol berib turing. Bugun kun so'ngida shu savolni o'zingizdan so'rang.

Dasturchilikda tajribangiz bir yilmi, O'qituvchilik qilish Sizga mumkin emas!

Hozirgi davrda IT o'quv markazlar juda ko'p. Ular har xil sifatda dars beradilar, turli yo'nalishlarda ilm ulashishga harakat qilishadi. Ammo har bir markazning eng katta muammosi bu sifatli, ilmli Ustozni topa bilishdir.

Lekin e’tiborimizni bir narsa tortdi. Hali tajribasi ikki yil bo'lmagan juda ko'p yoshlar markazlarda dars berishga oshiqishadi. Bu narsa o'ta yomon natijalarga olib borishi haqida esa deyarli hech qayerda gapirilmaydi. Joriy maqolada shu mavzularni yoritishga harakat qilamiz.

Haqiqiy proyekt qanday amalga oshirilishini bilmaysiz.
Tajribasi hali yo’q, yoki kam bo’lgan odam proyekt qanday yuritilishi haqida hali yetarlicha ma’lumotga ega bo’lmaydi. O’rgatiluvchi har bir mavzu keyinchalik proyektda qayerda yordam bera olishini bilish — dars berishdagi eng muhim joy! Proyektni bajarishda kimlar ishtirok etadi, qanday vazifalar bajariladi — bularni bilish darsni mazmunli qilib o’tishga sababchi bo’ladi.

Mijoz kimligi haqida ma’lumotingiz yo’q.
Hali tajribasi kam bo’lgan odam, o’zi yozayotgan kodning mijoz qo’lida qanday ishlashi haqida ma’lumotga ega bo’lmaydi. Kod soddaligi, effektivligi, katta yuklamalarga bardoshliligi tajribasi faqat mijoz uchun real proyektda ishtirok eta olgan odamda bo’ladi. Mijozning xohishlari, uning injiqliklarini ko’rmagan odam dasturlashdagi tushunchalar qanday qilib muammolarni hal qilishini bila olmaydi.

Hayotiy tajriba o’lchamini o’quvchi o’ta tez ilg’ay oladi.
Xohlaysizmi, yo’qmi — Sizni eshitayotgan odam Sizning tajribangizni tez ilg’aydi. Buning uchun dasturchi bo’lish shart emas. Umuman tajribasi bor odam bilan tajribasiz odam fikrlashida, gapirishida va mavzuni tushuntirib berishida juda katta farq bo’ladi va bu narsani o’quvchi birinchi darsning o’zidayoq ilg’ay oladi.

Muammolar qanday hal qilinishini bilmaysiz.
Istalgan dasturiy ta’minot real hayotda ishlatilganidan keyin muammolarga duch kelishi aniq — hakerlar hujumi, katta yuklamadagi murojaatlar, dasturiy ta’minot arxitekturasi o’sishga tayyormasligi yoki noto’g’ri tuzilganligi va boshqalar. Tajribasiz odam bunday muammolarni ko’rmagan bo’ladi, ularni hal qilish bo’yicha fikrga ega bo’lmaydi. Axir, o’qituvchiga borishdan aynan maqsad shu-ku — hayotiy muammolarga yechimlarni o’rganish. Dasturlash tillarini o’qituvchisiz o’rganib olsa ham bo’ladi. Onlayn kurslar buni sifatliroq ham qila oladilar. Ammo hayotiy tajriba faqat tajribali ustozdan olinadi.

Haqiqiy mas’uliyat o’quvchi o’qishni bitirganida boshlanadi.
Endigina dars berishni boshlaganimizda, biz dars berishni mas’uliyati yuqori ish deb bilar edik, ammo bu mas’uliyat qayerda namoyon bo’lishini bilmagan ekanmiz. Uch yil dars berib bir fikr paydo bo’lgan — O’qituvchilik mas’uliyati o’quvchi o’qishni bitirib, ishini topib o’zini ko’rsatishni boshlagan kunida boshlanar ekan. Dars jarayoni bu sun’iy jarayon. Undagi masalalar sun’iy (ya’ni dars uchun o’ylab topilgan) bo’ladi. Ustozning mahorati, o’quvchiga singdirgan ilmi faqatgina shu o’quvchining haqiqiy ishida bilandi. Agar ishxonadagi odam o’quvchingiz haqida: “Shuni ham bilmaysizmi? O’qituvchingiz kim bo’lgan o’zi?”, desa, Sizning mas’uliyatsizligingiz bilinadi. Agar o’quvchingiz zarracha bo’lsa ham Siz bergan ilmga norozilik his qilsa, biling-ki, qilayotgan ishingizda halollikka e’tibor kamaygan bo’ladi. Shuning uchun ham ustozlik og’ir kasb deyiladi. Ustoz bergan ilk ilm o’quvchining professional hayotining har bir nuqtasida bilinib turadi, shuning uchun ham Ustozman degan odam yelkasiga katta yuk olgan bo’ladi.

Yakun o’rnida…
Yakun o’rnida bir narsani aytib o’tish joiz — umuman istalgan kasbda Ustozlik qilish uchun katta tajriba o’ta muhim. Shundagina ushbu kasb egalari sifatli ish qila oladilar. Dasturlashda esa ayni damda dars beraman deb yonib turgan, hali yetarlicha tajribaga ega bo’lmagan yoshlar ko’payib qoldi. Maslahatimiz: Dasturlashda yana bir necha yil tajriba yig’ing, zero Siz bergan ilm birovning kelajagini sindirib qo’ymasin!

Ilm izlashdan to’xtamang!

@app_hbs

⚠️Diqqat

Bu post barchamiz bilishimiz kerak bo'lgan tobora xavfli qurolga aylanib borayotgan loyiha haqida bo'ladi.

Deepfake texnologiyasining yuksalishi bilan tasvir va videolarni reallikdan deyarli farqlanmaydigan usullarda manipulyatsiya qilish har qachongidan ham osonlashdi. Bu bizning maxfiyligimiz, xavfsizligimiz va shaxsiy obro'-e'tiborimizga jiddiy ta'sir ko'rsatadi.
Xususan, men qizlar va ayollarni ogohlikka chaqirmoqchiman. Hozirgi davrda ijtimoiy tarmoqlarda fotolar yuklash kundalik hayotning odatiy qismiga aylangan. Shuni bilishimiz kerakki, bu fotolarni keyinchalik xohlagan ko'yga solish, osonlikcha o'zgartirish va bizga qarshi ishlatish mumkin.
Ayrim shaxslarning suratlaridan foydalangan holda, ko'pincha ularni sharmanda qilish yoki obro'sini to'kish maqsadida soxta videolar yaratilgan holatlar ko'payib ketgan. Masalan, p.rnografik tasvirlar yoki videolarga yuzlarini qo'yish. Buning oqibatlari haqiqatan ham dahshatli, odamlar sharmandalikdan hatto o'zini o'ldirishgacha borishi mumkin. Agar siz hech qachon nomaqbul xatti-harakatlar qilmagan bo'lsangiz ham, soxta video orqali sizni yuzingizni tasvirlab berishlari mumkin.

Ijtimoiy tarmoqlarga bo'lar-bo'lmas rasmlarni yuklashni to'xtatishimiz kerak, agar menga baribir, rasm yuklayveraman desangiz ba'zi xavflardan xabardor bo'lishingiz va o'zingizni himoya qilish uchun choralar ko'rishingiz kerak. Mana bir nechta maslahatlar:
• Har qanday fotosuratlarni Internetga joylashtirishdan oldin ikki marta o'ylab ko'ring. O'zingizdan so'rang: "Bu fotoni menga yoqmagan tarzda qayta ishlatishlariga rozi bo'larmidim?"
• Fotosuratlarni kim bilan bo'lishayotganingizga e'tibor bering. Rasmlarni faqat o'zingiz ishonadigan odamlar bilan baham ko'rganingizga ishonch hosil qiling.
• Suratlaringizni kim ko‘rishini nazorat qilish uchun ijtimoiy media akkauntlaringizdagi maxfiylik sozlamalaridan foydalanishni o‘ylab ko‘ring.
• Tasviringizdan foydalanadigan deepfake videodan xabardor bo'lsangiz, darhol chora ko'ring. Bu haqda tegishli organlarga xabar bering va agar kerak bo'lsa, yuridik maslahat so'rang.

Xulosa qilib aytganda, biz fotosuratlarni Internetda baham ko'rishdagi xavflardan xabardor bo'lishimiz kerak, ayniqsa deepfake rivojlangan davrda. Opalar-singillar, rasmlaringizni tarqatishda, yoki ijtimoiy tarmoqlarga yuklashda ehtiyot bo'ling, iloji bo'lsa umuman yuzingiz tushirilgan rasmni yuklamang.

Bu shunchaki shaxsiy fikrlarim va maslahatlarim, xohishingiz o'z qo'lingizda.

@mabrur_dev