ЕЛМАЙДИ. ЖОЙЛАРДАГИ БОЗОРЛАРДА ҚАНЧАЛАБ БОЛА АРАВА ТОРТЯПТИ, ЯНА ҚАНЧА БОЛА ОШХОНАЛАРДА ИДИШ-ТОВОҚ ЮВИШГА, АВТОМОЙКАЛАРДА ОҒИР МЕҲНАТГА ЖАЛБ ЭТИЛМОҚДА. БИРГИНА НАМАНГАН ШАҲРИНИНГ ЎЗИДА КУНИГА АВТОМОБИЛЛАР БАЛОНИНИ ҚОРАЙТИРИБ ПУЛ ТОПАЁТГАН, НОНВОЙЛИК ҚИЛАДИГАН, МАКТАБ ПАЙТИДА ҲАМ ПАЖАҚЧИ УСТАНИНГ ҚАТТИҚ-ҚУРУҚ МУОМИЛАСИГА ЧИДАБ, УШБУ ОҒИР МЕҲНАТНИ, ҚАТТИҚ ТАЛАБ ВА МУОМИЛАНИ МАКТАБДАН АФЗАЛ БИЛАЁТГАН, ТИРИКЧИЛИК, РЎЗҒОР ТАВИШИГА ЎРАЛАШИБ ҚОЛГАН ЎҚУВЧИ ЁШДАГИ БОЛАЛАР ҚАНЧА? БИЛАСИЗМИ УЛАР НИМА УЧУН, ЎЗЛАРИНИНГ УШБУ АҲВОЛЛАРИНИ МАКТАБДАН ЮҚОРИ ҚЎЙИШАДИ, ЧУНКИ УЛАР ЎЗ ЭРТАЛАРИНИ МАКТАБДАН КЎРА АНА ШУНДАЙ НОРАСМИЙ, БУНИНГ УСТИГА ЎТА ҚАТТИҚҚЎЛ УСТОЗЛАРИНИНГ ҚЎЛИДА, ДЕБ БИЛИШАДИ. ЯНА КЎПЧИЛИКЛАРИ МАКТАБДА НАТИЖАСИЗ ОЛТИ СОАТ ВАҚТ ЙЎҚОТГАНДАН КЎРА, ТЎРТ ТАНГА ПУЛ ИШЛАБ ОИЛАМГА ОЛИБ БОРГАНИМ ЯХШИ, ДЕБ БИЛИШАДИ. БУ ҲИЁНАТ ЭМАСМИ?
МАКТАБЛАРДА ЯНА БИР АЧЧИҚ, АЧЧИҚ БЎЛГАНДА ҲАМКИ, ДАҲШАТЛИ АҲВОЛ МАВЖУД, ЯЪНИ ЖАНОБ ЎҚИТУВЧИНИНГ НОМИ БОР, УНГА БЕЛГИЛАНГАН ТАРТИБДА МАОШ ЁЗИЛАДИ, ЛЕКИН ЎША ЎҚИТУВЧИНИНГ ЎЗИНИ МАКТАБДА ҲЕЧ КИМ ТАНИМАЙДИ. У КИШИ ТИЛЛОБОЗОРДА ТИЛЛАФУРУШЛИК БИЛАН ШУҒУЛЛАНАДИЛАР. МЕН БИР ФАКТ ҲУСУСИДА АЙТЯПМАН, АНИҚЛАНИШИ ЛОЗИМ БЎЛГАН ҲОЛАТЛАР ЭСА, ТАЛАЙГИНА? ҚАНИ АЙТИНГЧИ, БУ КАБИ ҲОЛАТЛАР ҚАЕРДА ЙЎҚ?! БЎЛСА БОРДИР, ТОШКЕНТДА ЙЎҚ. ЧУНКИ, ТОШКЕНТ МАМЛАКАТНИНГ ЦИВИЛИЗАЦИЯ ЎЧОҒИ. У ЕРДА ҲАММА НАРСА БАДАСТИР. ТАЪЛИМ ҲАҚИДА АЙТИЛАДИГАН ҲАММА ЯХШИ ГАПЛАР, АЙНИҚСА, ТЕЛЕВИДЕНИЯ НИГОҲИ ОРҚАЛИ, ТОШКЕНТ ШАҲРИ МИСОЛИДА ОҒИЗ КЎПИРТИРИЛАДИ, АММО ЧЕККА ЧЕККА ҚИШЛОҚЛАРЧИ, У ЕРЛАРДА ЖОЙЛАШГАН МАКТАБЛАРНИНГ ҲАҚИҚИЙ АҲВОЛИНИ КИМ ГАПИРАДИ?
АГАРКИ, БИР ГАПИРГАН ҚОБУЛ ДУСОВ БЎЛСА, УНИНГ ҲАЯЖОНИГА ШУНЧАЛИК ЁПИШИБ ОЛИШ УЯТ ЭМАСМИ?.
ЮТУҚЛАР БОР, АММО УЛАР ЎЗИМИЗНИКИ, КАМЧИЛИКЛАР ҲАМ ЎЗИМИЗНИКИ, УНДАН БУГУН ҲАЛОС БЎЛИШ КЕРАК, ЭРТАГА ЭМАС.
ШУНДОҚ ҲАМ ФАРЗАНДЛАРИМИЗ БАХТЛИ БЎЛСА БЎЛДИ, ҲАММА НАРСА КЕЛАЖАК УЧУН, ДЕЯ ШУНЧА БАҚИРДИК, АММО ЎЗИМИЗ ҚАЧОН БАХТЛИ БЎЛАМИЗ? УМРИМИЗ ТУГАГАНДАН КЕЙИНМИ?
ХЎП, ГАП ЯНА КЕЛАЖАК ҲАҚИДА БОРАЁТГАН ЭКАН, НЕГА ЭНДИ ҲАҚ ЙЎЛДАН ЧАЛҒИШИМИЗ КЕРАК.
ҲУРМАТЛИ ВАЗИР, БИЗ СИЗНИ ҲУРМАТ ҚИЛАМИЗ. ШАХСАН МЕН ТАЪЛИМДА ЖОН КУЙДИРАЁТГАН ВАЗИР СИФАТИДА ЧИН ДИЛДАН ҲУРМАТ ҚИЛАМАН. АММО СИЗ ҲАМ ОППОҚ ЭМАСЛИГИНГИЗНИ ТАН ОЛИНГ. БИРГИНА ДАРСЛАР ВА ДАРСЛИКЛАР БОРАСИДАГИ КУРАКДА ТУРМАЙДИГАН "ҚИСҚАРТИРИШ"ЛАРИНГИЗ БОШҚАЛАР ҚАТОРИ МЕНИ ҲАМ ЖУДА ҚАТТИҚ ОҒРИНТИРДИ.
КЕЛИНГ БУНДАН КЎРА, ТАЪЛИМНИ ТУБДАН ИСЛОҲ ҚИЛИШ УСТИДА БОШ ҚОТИРАЙЛИК, ФИКРЛАШАЙЛИК, БАҲСЛАШАЙЛИК.
ШУНДАЙ ПРОГРАММА ИШЛАБ ЧИҚАЙЛИККИ, У ЎН ЙИЛЛАР, ЙИГИРМА ЙИЛЛАРДАН КЕЙИН ЭМАС, БУГУН МЕВА БЕРСИН. БУ ГАПИМ КУЛГУЛИ ТУЮЛИШИ МУМКИН, ЛЕКИН БУНИНГ УДДАСИДАН ЧИҚСА БЎЛАДИ. МЕН ОДДИЙ МИСОЛ КЕЛТИРАМАН: ОДАМИЗОД ҲАМ ТАБИАТНИНГ БИР ҚИСМИ. ДЕМОҚЧИ БЎЛГАНИМ, ШУ БУ ЙИЛ БАҲОРДА ЕРГА ЎТҚАЗИЛГАН ЁНҒОҚ КЎЧАТИ, КУЗГА КЕЛИБ МЕВА БЕРДИ. БОҒБОН ДАРОМАД КЎРДИ. БУ АНИҚ, ШУ КУНГИ ҲАЁТИМИЗДА РЎЙ БЕРГАН ХОДИСА.
НЕГА ЭНДИ, ТАЪЛИМДА ИШЛАБ ЧИҚИЛАДИГАН ПРОГРАММА ШУ ЙИЛНИНГ ЎЗИДА ИЖОБИЙ НАТИЖА БЕРМАСЛИГИ КЕРАК?! БЕРАДИ!!!
МЕН БУНГА ИШОНАМАН. ФАҚАТ ХОҲИШ-ИРОДА БЎЛСА БАС. БУНДАЙ ИСТИҚБОЛЛИ ПРОГРАММАНИ ХАЛҚНИНГ ЎЗИ ҲАМ ҚЎЛЛАБ-ҚУВВАТЛАЙДИ. КЕЛИНГ БИРЛАШАЙЛИК, БИР КУЧ БЎЛАЙЛИК.

Саидолим АБДУРАҲМОНОВ,
"Адолат" СДП Наманган шаҳар Еенгаши раиси