​​Agar har ishingda aniq maqsading boʻlmasa sen shaytonning maqsadiga aylanasan!

Mehmed Yildizning bir videosini tomosha qilarkan shunday jumlaga duch keldim: Agar har ishingda aniq maqsading boʻlmasa sen shaytonning maqsadiga aylanasan!

Instagramga aniq maqsad bilan kirmasang qimmatli vaqtning sariq chaqaga qimmat rilslar orasida yoʻq boʻlib ketadi. Bir necha soatlab ular ichidan chiqolmay qolib ketishing mumkin.

Universitetga kirishdan aniq maqsading boʻlmasa bekorga vaqtni oʻtkazib, kontrakt toʻlab turaverasan. Na oʻzingga, na jamiyatga bundan foyda yoʻq. Keyingi manziling ijaraga olingan mashinada kira qilib mijozlaringga diplomning hech qanday qadri yoʻqligi haqida safsata sotish boʻladi.

Koʻchaga chiqayotgan vaqting aniq maqsading boʻlmasa shayton seni har turli boshi berk koʻchaga boshlaydi. Undan omonlik topolmaysan.

Har doim har qadamda aniq maqsading boʻlishi shart! Shundagina hayolingdagi MENing bilan real MENning birlashishi mumkin. Aks holda sen ham hayotidan norozi, har narsadan kir qidiradigan qatlamga kirib qolasan. Bu eng yomoni.

Endi esa savol: Bu kanalni qanday maqsadda kuzatyapsan?

@komiljonmuhammad