👨‍🏫 Ingliz tilini o‘qitish bo'yicha bir necha yillik tajribamdan shuni aniq angladimki, agar o‘quvchi umumiy til bilimini puxta shakllantirmasdan turib, til bilish imtihonlariga tayyorgarlikni boshlab yuborsa, u muvaffaqiyatsizlikka uchrashi ehtimoli yuqori bo‘ladi. Chunki har qanday til bilish imtihoni nafaqat test topshirish ko‘nikmalarini, balki o‘quvchining umumiy til bilimini ham sinovdan o‘tkazadi.

⚡️ Til o‘rganuvchilar tomonidan eng ko‘p uchraydigan 5 ta xato:

💥 1- Grammatik asoslarni yetarlicha o‘zlashtirmaslik – Faqat test javoblarini yodlashga e’tibor qaratib, til tizimini chuqur tushunmaslik.

💥 2- Faol so‘z boyligini rivojlantirmaslik – Yangi so‘zlarni o‘rganishda faqat lug‘at yodlash bilan cheklanib, ularni kontekstda qo‘llamaslik.

💥 3- Yozish (writing) va gapirish (speaking) ko‘nikmalarini e’tiborsiz qoldirish

💥 4- O‘z darajasidan yuqori yoki past materiallar bilan shug‘ullanish – Juda qiyin matnlar bilan ishlash natijasida tushkunlikka tushish yoki juda oson materiallar bilan shug‘ullanish sababli rivojlanish sekinlashishi.

💥 5- Barqaror va tizimli o‘rganish rejasi yo‘qligi – Til o‘rganishda izchillik va doimiy amaliyot muhim bo‘lsa-da, tartibsiz va beqaror o‘rganish usuli sababli natijalarga erisha olmaslik.

📖 Til o‘rganish jarayoni murakkab, lekin to‘g‘ri yondashuv bilan har qanday imtihondan muvaffaqiyatli o‘tish mumkin!✅

@Muhammadismoil_teacher