Nobel mukofoti sohibi Aziz Sanjarning fikrini keltiraman: "Rivojlanish va boy boʻlish boshqa-boshqa narsalardir. Masalan, arablar boy, ammo rivojlangan emas. Biz ham arablardan o'rnak olyapmiz, rivojlanishni emas, boyishni istayapmiz. Shu sabab ilmli va madaniyatli insonlarga emas, puldor va nufuzli insonlarga hurmat ko'rsatilmoqda".

Alaloqibat hammamiz moddiy dunyoda yashayapmiz. Moddiyatdan ustunman deb har qancha tomoq yirtmang bosgan qadamingiz, kiygan kiyimingiz, yutgan luqmangiz pul. Men uchun pul muhim emas deb ishlamayotgan bo'lsangiz demak kimningdir hisobiga yashayotgan tekintomoqsiz. Ishda o'tgan har lahza esa bu sizning umringiz. Xarid qilgan har bir narsangizni pulga emas, umringizning ma'lum bir qismi evaziga sotib olasız aslida, yoki kimningdir umrining evaziga. Ayni shu pul hayotda old planga chiqib qolmasligi, boy bo'lish yo'lida insoniylikni yo'qotmaslik, o'zligimizni anglash uchun fursat yaratish, oʻz hayotimizga o'zimiz xo'jayinlik qilish uchun ham moliyaviy savodxonlikni o'rgatuvchi kitoblarni o'qish kerak.