БАҒИШЛОВ

(Эл севган шоир Муҳаммад Исмоилнинг таваллуд кунига)

Пиримикан дейман Ҳазрат Алишер,
Юрак юрагидан тўкилади шеър.
Асраган тумори ўзбек деган ер,
Кўз очиб кўргани ашъор майдони,
Муҳаммад Исмоил - назм султони!..

Ювай дейди кўнгилларнинг гардини,
Қувватлайди юрт деб куйган мардини.
Айтса фақат айтар элнинг дардини,
Ғарибларга дили меҳр ошёни,
Муҳаммад Исмоил - миллат иймони!..

Зулайҳо онанинг дуоси асрар,
Ҳар битта қадами авлиё назар,
Дўст учун кўнгли кенг осмонлар қадар,
Не-не буюк зотлар бўлган меҳмони,
Муҳаммад Исмоил - эл шарафи, шони!..

Қилгани ибодат - ўзбекни дейди,
Кўргани саодат - ўзбекни дейди.
Йигирма тўрт соат - ўзбекни дейди,
Ўзбекистон дея фидодир жони,
Муҳаммад Исмоил - ўзбек ўғлони!..


Акрамжон АЗИЗОВ,
Фарғона, Олтиариқ тумани.