#Рамазонда
РАСУЛУЛЛОҲ РАМАЗОНДА

Набий алайҳиссалом Рамазонда тунги намозларни доимо ўқиганлар.
Ойша розияллоҳу анҳодан бу ҳақда сўрашганда: «Рамазонда ҳам, бошқа пайтларда ҳам ўн бир ракатдан зиёда қилмасдилар. Тўрт ракат намоз ўқирдилар. Унинг гўзаллигини, узунлигини сўраманг. Сўнг яна тўрт ракат ўқирдилар. Унинг гўзаллиги ва узунлигини сўраманг. Сўнг уч ракат ўқирдилар», деган (Имом Бухорий ривояти).
Намозни тугатиб, витр намозини ўқишдан олдин бироз ухлар эдилар.
Ойша онамиз розияллоҳу анҳо: «Ё Аллоҳнинг Расули, витр намозидан олдин ухлайсизми?» деб сўраганида, Набий алайҳиссалом: «Эй Ойша, кўзларим ухлайди, қалбим эса уйғоқ», деб жавоб берар эдилар. Демак, витр намозини ўқимасдан ухламаслик суннат амаллардан.

@Marhabo_Karimova_sherlari
@Tonggi_salomlarim‌‌‌‌‌‌