Осмон, бу аёлнинг елкаларин ўп,
Оппоқ булутларинг бос юзларига,
Сенинг юлдузингдан унинг дарди кўп,
"Ой"қўшиб айтади у қизларига.
Қуёш, лабларида қурит дунёни,
Гувала хужрадек юрагига кир.
Сўнг тиним истаган сағир ғавғони,
Ким ошар савдога қўяди тақдир!
Шамол, бу аёлни ифорин олиб,
Фаранг атирфуриш димоғин тўлдир.
Кейин энг бадавлат савдогар бўлиб,
Ҳамма атирларнинг савдосин ўлдир!
Олов, шу аёлга йўқми саволинг,
Касов қўлларига ошиқсан бунча.
Тутунга айланиб кетар ҳаёлинг,
Ўзингни кул қилиб тугатгунингча!
Уммон, бу аёлга ҳайратингни айт,
Бориб кўр бўронлар ўйган кўксини.
Қароқчи кемалар хужум қилган пайт,
Сенга айланади йиғлаб, ўксиниб!
Ҳаёт, яна келиб эртагинг ўқи.
Унинг умидларин чирмовуғдек ўр.
Агар ҳаддинг сиғса кўзига боқиб,
Мен сени севаман дея айтиб кўр...
Малика Тавфиқ
Оппоқ булутларинг бос юзларига,
Сенинг юлдузингдан унинг дарди кўп,
"Ой"қўшиб айтади у қизларига.
Қуёш, лабларида қурит дунёни,
Гувала хужрадек юрагига кир.
Сўнг тиним истаган сағир ғавғони,
Ким ошар савдога қўяди тақдир!
Шамол, бу аёлни ифорин олиб,
Фаранг атирфуриш димоғин тўлдир.
Кейин энг бадавлат савдогар бўлиб,
Ҳамма атирларнинг савдосин ўлдир!
Олов, шу аёлга йўқми саволинг,
Касов қўлларига ошиқсан бунча.
Тутунга айланиб кетар ҳаёлинг,
Ўзингни кул қилиб тугатгунингча!
Уммон, бу аёлга ҳайратингни айт,
Бориб кўр бўронлар ўйган кўксини.
Қароқчи кемалар хужум қилган пайт,
Сенга айланади йиғлаб, ўксиниб!
Ҳаёт, яна келиб эртагинг ўқи.
Унинг умидларин чирмовуғдек ўр.
Агар ҳаддинг сиғса кўзига боқиб,
Мен сени севаман дея айтиб кўр...
Малика Тавфиқ