ЖИЛМАЙИБ ЯША

Ранжимай қўйдим мен қайғуларингдан,
Оловга бошлаган туйғуларингдан,
Бу дунё ёришсин кулгуларингдан,
Фақат сен ҳаётда жилмайиб яша.

Ташвишлар қўймасин рангинг сўлдириб,
Яшнагин юракни нурга тўлдириб,
Даврон суриб яша кулиб , кулдириб,
Фақат сен ҳаётда жилмайиб яша.

Жилмайгин , юзингда порласин қуёш,
Туҳматлар бошингга отолмасин тош,
Сенинг кўз ёшингга беролмам бардош,
Фақат сен ҳаётда жилмайиб яша.

Кечирдим , чексамда неча озорлар,
Сенинг қовоғингдан ёғмасин қорлар,
Меҳр , муҳаббатга бўлмагин зорлар,
Фақат сен ҳаётда жилмайиб яша.

Агар бир дўстчалик ғамимни есанг,
Менинг шодлигимни кўрайин десанг,
Заррача бўлсада , ҳали ҳам севсанг,
Фақат бу ҳаётда жилмайиб яша.😍🥰