Men Nasibaxon, Ota - onamni 7 yil kuttirib dunyoga kelgan, so'ng onam otamni 19 yil kutishiga majbur qilgan, yoshlik payti ba'zan erka bo'lgandek, ba'zan hech qachon yosh bola bo'lmagandek yashagan, onasini ba'zan juda qiynagan va ba'zan juda faxrlantirgan, maktab paytidan onaning sharoitiga qaramay qo'shimcha darslarda o'qiyman deb turib olgan erishgani esa faqat Medsestralik diplomi bo'lgan G'o'rqiz...

Tushunganingizdek, ota onam 19 yil ayro yashagan, noto'g'ri hayollarga ketmang, Otamni ikkinchi xotini ham yo'q, Rossiyada uyi ham va boshqa boshqa sabablar ham yo'q. Shunchaki majbur bo'lgan. Bizdan uzoqda judda emas, saal uzoqda yashagan. Qachondir ochilgim kelsa aytarman.

Onam bilan men, otamning yoniga har 3 oyda yoki 6 oyda borardik. Bola edim, o'yinqaroq edim. Hechnimani tushunmasdim.

Tushunganim otam uzoqdaligi, qachondir kelishi.

Borib kelib yurib, avval o'g'il ukalik, keyin singillik bo'ldim. Onam savdogar edilar, men ukalarimga qarardim.

Esimda ukamga 5 yoshida alifbeni urib-urib o'rgatganim 🙈 va 7 yoshida maktabda hammadan zo'r o'qigani uchun ustozidan rahmat eshitganim 🙋‍♀️

Esimda 12 yoshimda, singlim 6 oylik chaqaloq, onam qo'shni tumanga sahar soat 4-5 larda savdoga ketsa, singlimni abed paytida ko'tarib onamning yoniga emizishga olib borganim...

Esimda onam yarim tunda tovarga ketayotganida yo'lidan chiqib qolgan chiyabo'ri hikoyasi...

Bolaligi juda og'ir o'tgan ekan demang, pul va ro'zg'ordan mo'l-ko'l yashaganmiz, onam juda ko'p o'yinchoqlar va kitoblar olib berardi. lekin ota mehri yetishmas, onamiz esa savdo bilan band edi.

Hamma yetishmovchiliklar alohida uyga ko'chganimizdan so'ng boshlangan...

@Kreative_admin