​​⚡️ O'quvchilarning ota - onalari bilan yaxshi munosabatlarni qanday yo'lga qo'yish mumkin?

I. Darsni qiziqarli o'tkazish orqali:
Darsingizni o'quvchilar uyida ham gapiradigan darajada qiziqarli qilish orqali ota - onalarda o'zingizga nisbatan ishonch va iliqlik uyg'otasiz. Natijada ularning o'zlari siz bilan muloqot qilishga qiziqa boshlaydi.

II. Ota - onalar bilan ma'lumot almashib turish orqali:
Ularga doimiy ravishda farzandining sinf qoidalari, ularga rioya qilishi, nazorat imtihonlari, maxsus loyihalar, o'quvchining rivojlanishiga yordam beradigan manbalar haqida xabarnomalar yuborib turing. Shuningdek o'quvchingizning uyda o'zini tutishi va hissiyotlari haqida ma'lumot olib turing.

III. O'quvchilarga ham hurmat bilan munosabatda bo'lish orqali:
Siz uchun itoatsiz o'quvchi bosh og'rig'i bo'lishi mumkin, ammo har bir ota - ona uchun farzandi hammadan yaxshi va kamchiliklarsiz ekanligini unutmang.

⛔️ Ota - onalarga yuborgan xabarnomalaringiz professional darajada yozilganligiga e'tiborli bo'ling.

👉 @Kreativ_pedagog - Kreativ o'qituvchilar kanali