OMADINGIZNI BERSIN...

Omon yuring doʻstu yor,
Ajratmayman yov, agʻyor,
Sizlarga bir tilak bor
Omadingizni bersin!

Ogʻir dardning choʻlida,
Yoʻqchilikning qoʻlida,
Taqdirning shu yoʻlida,
Omadingizni bersin!

Yoʻliqman hech shumlarga,
Koʻzi toʻlgan qumlarga
Chidang ogʻir kunlarga
Omadingizni bersin!

Qiling Haqqa itoat,
Oʻz vaqtida ibodat,
Alloh qilib marhamat
Omadingizni bersin!

Menda yo'q ayri hislar,
Oq koʻngilu poksizlar,
Sogʻ boʻling barchangizlar
Omadingizni bersin!

Omon yuring doʻstu yor,
Ajratmayman yov, agʻyor,
Yaxshiyamki sizlar bor,
Omadingizni bersin!

...
Omadingizni bersin!
30.12.2016