Қарақалпақ LIVE

⚡️Енди 3,5 мың кәмбағал шаңарақлардың перзентлери ЖООға грант тийкарында қабыл етиледи

📑 Президенттиң "Өзбекстан-2030 стратегиясын Қоршаған орталықты қорғаў ҳәм жасыл экономика жылында әмелге асырыўға байланыслы мәмлекетлик бағдарлама ҳаққында"ғы пәрманы жәмийетшиликтиң додалаўына қойылды.

Инсан потенциалын арттырыў, билимлендириў ушын қолайлы орталық жаратыў жумысларын шөлкемлестириў мақсетинде 2025-2026-оқыў жылынан:

Орайлық Азия қоршаған орталық ҳәм климат өзгериўин үйрениў университети экология, қоршаған орталықты қорғаў ҳәм климат өзгериўи сыяқлы билимлендириў бағдарлары ҳәм қәнигеликлери бойынша жетекши жоқары билимлендириў шөлкеми етип белгиленеди;

Орайлық Азия қоршаған орталық ҳәм климат өзгериўин үйрениў университетинде "циркульяр экономика" билимлендириў бағдарында кадрлар таярлаў әмелияты жолға қойылады;

Қарақалпақстан Республикасы, ўәлаятлар ҳәм Ташкент қаласында Орайлық Азия қоршаған орталық ҳәм климат өзгериўин үйрениў университетиниң "жасыл техникумлары" жумысы жолға қойылады;

Тәбийғый пәнлер, инженерлик-техника, экономика ҳәм қаржы бағдарларындағы мәмлекетлик жоқары билимлендириў шөлкемлеринде "Қоршаған орталықты қорғаў ҳәм жасыл раўажланыў" пәни ҳәм оқыў бағдарламалары киргизиледи;

Жоқары билимлендириўде грант орынларын басқышпа-басқыш арттырыў есабынан анық ҳәм тәбийғый пәнлер, инженерлик-техника, хызметлер, медицина сыяқлы тараўларда мәмлекетлик буйыртпа 25 мыңға жеткериледи;

"Ел-юрт умиди" қоры тәрепинен екология, қоршаған орталықты қорғаў ҳәм климат өзгериўи билимлендириў бағдарламалары тийкарында билим алыў ушын стипендия таңлаўына 20 ға шекем квота ажыратып барылады;

Айрықша билимлендириўге мүтәжлиги болған оқыўшылар менен ислейтуғын муғаллимлерди сертификатлаў әмелияты жолға қойылады;

республиканың ҳәр бир районында (қаласында) басқышпа-басқыш инклюзив билимлендириў талапларына жуўап беретуғын кеминде биреўден улыўма билим бериў мектебиниң жумысы шөлкемлестириледи;

3,5 мың кәмбағал шаңарақлардың перзентлерин таярлап, жоқары билимлендириў шөлкемлерине белгиленген тәртипте грант тийкарында қабыллаў жумыслары шөлкемлестириледи.

2025-жыл 1-мартқа шекем дурыс аўқатланыў, денетәрбия ҳәм спорт пенен шуғылланыўдың инсан саламатлығына пайдасын үгит-нәсиятлаўды күшейтиў бағдарламасы ислеп шығылады.

2025-жыл 1-августқа шекем азық-аўқат қәўипсизлиги тараўында қәўип-қәтерлерди анықлаў, баҳалаў, басқарыў ҳәм мониторинг етиў мақсетинде уйымлараралық өз-ара бир пүтин Миллий мәлимлеме платформасы ислеп шығылады.

😎 Қарақалпақ LIVE — ең оператив ҳәм исенимли жаңалықлар каналы!

🗓 2025-жылы «Ашық бюджет» порталында жәмийетшилик қатнасыўында өткерилетуғын жойбарлардың ўақты мәлим болды

Оған бола:

➖ Январь айында 2024-2025-оқыў жылы ушын «Мениң мектебим» жойбары болып өтеди. Даўыс бериў 13-17-январь күнлери өткериледи. Январьдағы жойбарда Қарақалпақстаннан тек ғана Кегейли районы мектеплери қатнаса алады.

Жойбардың 2025-2026-оқыў жылы ушын мәўсими октябрь айына мөлшерленген. Жойбарларды киргизиў 1-10-октябрь күнлери, даўыс бериў болса 21-30-октябрь күнлери болып өтеди.

➖ «Басламалы бюджет»тиң 1-мәўсими февраль-март айларына мөлшерленген. Жойбарларды киргизиў 1-20-февральда, даўыс бериў болса 11-20-март аралығында болады.

Жойбардың 2-маўсымы июль-август айларында болып өтеди. Жойбарларды киргизиў 15-июльден 3-августқа шекем, даўыс бериў 22-августтан 31-августқа шекем болып өтиўи белгиленген.

➖ «Мениң бағым» жойбары апрель айында өткериледи. 1-10-апрельде жойбарларды киргизиў, 21-30-апрельде даўыс бериў болып өтеди.

➖ «Мениң бақшам» жойбары июнь айында өткериледи. Жойбарлар ушын даўыс бериў процеси 1-10-июнь күнлерине белгиленген.

😎 Қарақалпақ LIVE — ең оператив ҳәм исенимли жаңалықлар каналы!

️2025-жылда мектепке шекемги ҳәм мектеп билимлендириўи тараўында енгизилетуғын әҳмийетли өзгерислер ҳәм тәртиплер менен танысың

Өзбекстан Республикасы Президентиниң тийисли Пәрманына тийкарланып:

➖ 2025-жыл 1-январьдан — мектепке шекемги билимлендириў шөлкеми директорының орынбасары лаўазымы енгизиледи;

➖ 2025-жыл 1-январьдан — район (қала)ларда кеминде биреўден таяныш мектепке шекемги билимлендириў шөлкеминиң жумысы жолға қойылады;

➖ 2025-жыл 1-январьдан баслап — мектепке шекемги билимлендириў шөлкемлеринде "Методикалық шеберлик сааты", таяныш мектепке шекемги билимлендириў шөлкемлеринде "Методикалық шеберлик күни" басқышпа-басқыш енгизиледи;

➖ 2025-жыл 1-январьдан баслап — тренер сыпатында жумыс алып барып атырған директор орынбасарларына лаўазымлық мийнет ис ҳақысының 20 проценти муғдарында қосымша ҳәр айлық үстеме ҳақы төленеди;

➖ 2025-жыл 1-январьдан — қамтып алыў дәрежеси төмен болған мектеплер бос турған жер участкаларында мәмлекетлик емес мектепке шекемги билимлендириў шөлкемлериниң жумысын жолға қойыўға рухсат етиледи;

Өзбекстан Республикасы Президентиниң тийисли қарарларына тийкарланып:

➖ 2025-жыл 1-январьдан — кәмбағал шаңарақлардың перзентлери мәмлекетлик мектепке шекемги билимлендириў шөлкемлерине жеңиллетилген тийкарда қабыл етиледи;

➖ 2025-жыл 1-январьдан — мәмлекетлик емес улыўма орта билимлендириў шөлкемлериниң жумысын жолға қойыў ушын белгиленген тәртипте компенсация бериў тәртиби енгизиледи;

➖ 2025-жыл 1-январьдан баслап — мектепке шекемги ҳәм мектеп билимлендириў шөлкемлериниң хызметкерлери ушын бес жылда бир мәрте жумыстан айрылған ҳалда маманлық арттырыў курслары енгизиледи;

➖ 2025-жыл 1-январьдан — улыўма орта билим бериў мәкемелеринде "Кәсиплик раўажланыў сааты", таяныш улыўма орта билим бериў мәкемелеринде "Кәсиплик раўажланыў күни" басқышпа-басқыш енгизиледи;

➖ 2025-жыл 1-январьдан — атақлы халықаралық олимпиадаларда қатнасатуғын сайланды командалардың басшысын хошаметлеў тәртиби енгизиледи ҳәм дәрамат салығынан азат етиледи;

➖ 2025-жылдан — 5-8-класс оқыўшылары арасында өткерилетуғын олимпиадаларда жоқары нәтийжелерди көрсеткен қәбилетли оқыўшылардың базасы қәлиплестириледи ҳәм оларды халықаралық олимпиадаларға мақсетли таярлаў жолға қойылады;

➖ 2025-жылдан — тийкарғы пән олимпиадаларының аймақлық басқышында табыслы қатнасқан қәбилетли жаслар ушын "Интеллектуаллық дем алыў орынлары" шөлкемлестириледи.

😎 Қарақалпақ LIVE — ең оператив ҳәм исенимли жаңалықлар каналы!

❗️Автотранспорт айнасынан шығынды таслаған пуқараға жәрийма салынады

⚠️ Ҳәкимшилик жуўапкершилик ҳаққындағы кодекстиң 123-статьясына муўапық, поезд, автомобиль қуралынан ямаса басқа түрдеги транспорттан шығынды ямаса басқа нәрселерди таслап жибериў базалық есаплаў муғдарының 50% муғдарында жәрийма салыўға себеп болады.

☝️Бундай жәрийманы ишки ислер уйымлары хызметкерлери, сол қатарда профилактика инспекторлары ҳәм жол ҳәрекети қәўипсизлиги хызмети инспекторлары да қолланыўы мүмкин.

😎 Қарақалпақ LIVE — ең оператив ҳәм исенимли жаңалықлар каналы!

Енди Қытайға да автобуста барыў мүмкин болады

Өзбекстаннан Қытай, Россия ҳәм қоңсы мәмлекетлерге автобус қатнаўлары жолға қойылады. Транспорт министрлиги жолаўшы тасыў тараўында жумыс алып барып атырған тасыўшыларды Қазақстан, Қырғызстан, Тәжикстан, Россия ҳәм Қытайға автобус қатнаўларын шөлкемлестириўде бирге ислесиўге шақырды.

😎 Қарақалпақ LIVE — ең оператив ҳәм исенимли жаңалықлар каналы!

❗️ Сырт елде ислемекшы болған пуқаралар дыққатына

➖ Қарызлар төленбегени, алимент ямаса басқа себеплер ушын сырт елге шығыўға тыйым қойылған болыўы мүмкин.

➖ Буны әлбетте тийисли аймақтағы бюроларынан ямаса интернетдеги www.mib.uz сайты арқалы тексерип көриў зәрүр.

Қарызыңыз бар болған жағдайда мәмлекет шегарасынан қайтарылып жиберилесиз.

Тийкар: Өзбекстан Республикасы Бас прокуратурасы, Ишки ислер министрлиги ҳәм Мәмлекет қаўипсизлик хызметиниң 2019-жыл 23-октябрьдеги 52, 82, 27-сан қарары менен тастыйықланған нызам.

😎 Қарақалпақ LIVE — ең оператив ҳәм исенимли жаңалықлар каналы!

Жас гандболшыларымыз чемпион болды

Ҳиндстанның Лакхнау қаласында гандбол бойынша жас өспиримлер ҳәм жаслар арасында Халықаралық гандбол федерациясы кубогиниң Азия континенти басқышы өз жуўмағына жетти.

Бул жарыста Өзбекстан U-18 ҳәм U-20 сайланды командалары да табыслы қатнасып, финал беллесиўлеринде жас өспиримлеримиз Ҳиндстан сайланды командасын 47:23, U-20 командамыз Қазақстан сайланды командасын 38:18 есабында жеңип шығыўға еристи.

Чемпион командалар қурамында қарақалпақстанлы Баймурат Рейпназаров, Шахзад Шерниязов ҳәм Рахат Жолдасбаевлар қатнасып, сайланды команданың жеңисине өзлериниң салмақлы үлеслерин қосты.

😎 Қарақалпақ LIVE — ең оператив ҳәм исенимли жаңалықлар каналы!

❗️Қоңыраўға жуўап бердим ҳәм пулларымды жоғалттым: Өзбекстан үлкен СПАМ ҳүжимге ушырамақта

+998 78 ХХХ 21 21 сыяқлы номерлер қәўипли болыўы мүмкин, көп жағдайларда бундай номерлер артында алдаўшылар отырады. Усы сыяқлы номерлерден қоңыраў келсе жуўап қайтармаў усыныс етиледи.

Егер сиз телефонды көтерген болсаңыз, бирақ қоңыраўдың арғы тәрепинде тым-тырылық болса, онда ким ҳәм не ушын телефон етип атырғанын анықлаўға ҳәрекет етпей, сөйлесиўди дәрҳал жуўмақлаң.

😎 Қарақалпақ LIVE — ең оператив ҳәм исенимли жаңалықлар каналы!

«Ески долларды алмаймыз» деп айтып атырғанлар дыққатына!

Егер ески доллар алыўдан бас тартылса усы (71 200-00-44) номерлерге телефон етип арз етиң

Өзбекстан Республикасы Орайлық банки ҳəзирги күнде мəмлекетимиз аймағында ески үлгиндеги 100 АҚШ доллары номиналындағы (2009 жылға шекем эмиссия етилген) банкнотларды банклер тəрепинен сатыў ҳəм сатып алыў менен байланыслы əмелиятлар ҳеш қандай мəселелерсиз əмелге асырылып атырғанлығын хабар береди.

Соның менен бирге, қандайда-бир мəмлекет есап-китапларында ески үлгиндеги 100 АҚШ доллары номиналындағы банкнотларның нызамлы төлеў қуралы ретиндеги қәдири өзгермеген.

☝️Егер коммерция банклериниң валюта айырбаслаў шақапшалары тəрепинен ески үлгиндеги 100 АҚШ доллары номиналындағы банкнотларды қабыллаўда қыйыншылықларға дус келсеңиз, Орайлық банктиң «Исеним телефоны» (71 200-00-44) ямаса аймақлық басқармаларға шағым етиўиңиз мүмкин

😎 Қарақалпақ LIVE — ең оператив ҳәм исенимли жаңалықлар каналы!

Жәмийетлик орынларда темеки шексеңиз, жәрийма төлейсиз

Ҳәкимшилик жуўапкершилик ҳаққындағы кодекстиң 561-статьясына бола, жумыс орынларында, денсаўлықты сақлаў, билимлендириў, спорт-саламатластырыў мәкемелеринде, өрт шығыў қәўпи болған орынларда, соның ишинде, автомобиллерге жанылғы қуйыў шақапшаларында ҳәм басқа жәмийетлик орынларда темеки өнимлерин шегиў (шегиў ушын арнаўлы ажыратылған жерлер яки ханалар оннан тыс) – базалық есаплаў муғдарының үштен бир бөлеги муғдарында жәриймаға тартыўға себеп болады.

😎 Қарақалпақ LIVE — ең оператив ҳәм исенимли жаңалықлар каналы!