GLOBAL INQIROZDAN ÇIQIŞ

Iqtisodiyot hayotning talab va taklif muvozanati ustiga barpo qilinganini iddao qiladigan kapitalistik mafkura ko‘proq ishlab chiqarib, ko‘proq daromad topish uchun ommaviy axborot vositalari (OAB) dan foydalangan holda, odamlarni ko‘proq iste’mol qilishga chorlaydi. Natijada u uyiga non olib borishga qiynalayotgan ota-onalar reklamalardan ta’ sirlangan farzandlarining talablariga chiday olmasdan marketlardan o‘yinchoqlar va sotib olishga majbur bo‘ladi.

Kapitalizmda har qanday yo‘l bilan pul topish, daromad qilishga tomon olib boradi. Ishlab chiqaruvchi nazdida inson xarid qilish kuchiga ko‘ra hurmat qozonadi. Kapitalist kambag‘alga infoq-ehson qilish zarurligi to‘g‘risida o‘ylab ham ko‘rmaydi. Shu sababli odamlar ochlikdan o‘layotgan bu dunyoda kapitalistlar daromadlari kamayib ketmasligi uchun mo‘l hosil olgan yillarida ham mahsulotlarining ma’lum qismini dengizga uloqtirib yuborishsa, yuborishadi-yu, lekin odamlarga tekinga berishmaydi.

Kapitalizmda "axloq” tushunchasi bo‘lmaydi
Kapitalizmning vijdoni bo‘lmaydi.

Millionlab odam qurbon bo‘lgan birinchi va ikkinchi jahon urushlarining ortida ham kapitalizmning eksplutasiya qilish (ezib ishlatish) va mahsulotlar uchun bozor topish ilinji yotgan edi.

Yaqin paytlargacha Gʻarbda foizning qonuniyligi to‘g‘risida bahs-munozara qilib kelingan bo‘lsa, endilikda foiz iqtisodiyotda muhim ahamiyatga ega ekanligi mutaxassislar tomonidan qabul qilingan. Ular o‘rtasida foizning miqdori qancha bo‘lishi haqida qarama-qarshi fikrlar mavjud.

Kapitalizm singari sosialistik mafkura ham foizni qonuniy daromad manbai deb hisoblaydi va iqtisodiyot nazariyalarining foizli tizimini ma’qullaydi. Islomiy davlat usmoniylar saltanati qulaganidan keyin butun dunyoda foizga asoslangan iqtisodiy tizimlar rivojlanib ketdi. Natijada kapitalistlar to‘g‘ridan-to‘g‘ri va bilvosita ezgan, eksplutatsiya qilgan mamlakatlarda qarz olingan davrda tug‘ilgan farzandlar bir umr ishlasa ham jamiyat qarzdan qutula olmaydigan darajaga yetdi.

Zavod va fabrikalar qurib, ish o‘rinlari yaratishga qurbi yetadigan yirik sarmoyadorlar foiz vositasida hech qanday qiyinchiliklarsiz, ya’ni korxona qurmay turib, ishlab chiqargan mahsulotiga xaridor qidirib o‘tirmay pul topadi. Shu tariqa jamiyatda ishsizlar soni ortadi. Oqibatda esa, mamlakatda ezuvchi va eziluvchilardan iborat bir-biriga dushman ikki sinf paydo bo‘ladi.

Omonatchilardan pul to‘plagan banklar tadbirkorga foizli qarz beradi. Tadbirkor ham o‘z navbatida, ishlab chiqargan mahsulotining tannarxiga bankka to‘lagan foizini qo‘shadi va mahsulot narxini oshiradi. Pulini bankga qo‘ygan omonatchi esa qo‘lga kiritgan foizini ishlab chiqaruvchidan qimmatga olgan mahsuloti uchun to‘lashga majbur bo‘ladi. Bunday holatda o‘z-o‘zidan aniqki, foyda ko‘rgan taraf bitta, ya’ni bank bo‘lib qoladi.

Islom infoq-ehson, zakot, sadaqa kabi tushunchalar bilan boylar va kambag‘allar o‘rtasida mustahkam muvozanat hosil qiladigan va odamlar o‘rtasida o‘zaro tartib o‘rnatadigan dindir. Bunday jamiyatda ikki sinf, ya’ni boylar va kambag‘allar o‘rtasida mojaro-nizolar yuzaga kelmaydi. Shu bois tarixda Islomiy davlatlar hukmron bo‘lgan davrlarda kapitalizmdan sosializmning ajrab chiqishi kabi holatlar kuzaga kelmagan. Islomga muxolif hech kanday tizim uning ichidan o‘sib chiqmagan.

Kapitalizmni qurgan va uni qo‘riqlagan g'oya tarafdorlari Islomning ishlab chiqarish va bandlik atrofida jipslashgan iqtisodiy tizimi eksplutasiyaga nuqta qo‘yishini anglab yetgan. Ular shuning uchun Islom dinini asos qilib olgan boshqaruv tizimlarini hukumatdan uzoqlashtirish uchun qattiq urinadilar.

Kapitalizm rivojlanayotgan hozirgi paytda musulmonlar milliy va xalqaro iqtisodiy poydevor yaratib, islomiy iqtisoddan xabardor olimlarni yetishtira olsa, yangi dunyo islomiy mamlakatlardan andoza olishi mumkin.

Harakat bizdan, tavfiq Allohdandir.

✍Ehson Şenojak
📚"Islom Iqtisodi"

Globalistlarning öq tomiri foiz( ribo). Foizdan voz keçilgan kuni ular inqirozga yuz tutadi.
Foizga bankda pul qöymang ham, iloji bölsa olmang ham.

https://t.me/Kamolovich_blog