Sen yaxshi o‘ynading oshiq ro‘lini
Ko‘zlaringga boqib aylandim toshga
Tinmay olqishlashdi, chalishdi qarsak
Chiranib to‘kilgan soxta ko‘z yoshga

Sen yaxshi o‘ynading oshiq ro‘lini
Bugun farishta deb qarashdi senga
Asli kimligingni bilmaydi ular
Soxta tabassumlar yarashdi senga

Sen yaxshi o‘ynading oshiq ro‘lini
Bugun yig‘lashingga kulib qaradim
Bugun begonaman, bugun hech kimman
Bugun tomoshabin bo‘lib qaradim

Sen yaxshi o‘ynading oshiq ro‘lini
Yana muhabbatga solindi raxna
Sevgi hotimasi, ishqning o‘limi
Bu so‘nggi ko‘rinish, bu so‘nggi sahna

Sen yaxshi o‘ynading, sen zooooo‘r o‘ynading
Mana muhabbatim tovoningga bos
Qarasam hayosiz sevgi sahnangda
Men ham kichgina bir epizod holos!

Sen yaxshi o‘ynading oshiq ro‘lini...!

✏️Muallif: @sherlardamiz

📡 @JavohirHaliljonov