Bilmadim, ne bahri yerdir, ne muazzam tog‘idir,
Oldi ko‘nglim, ketdi aqlim, tan mudom nechog‘idir,
Nisbat etib bo‘lmas uni, qumri, bulbul, zog‘idir,
Elg‘araz har zulfina – etmish ming er tuzog‘idir,
Qaddi-qomati baland zeboya oshiq bo‘lmisham.

Do‘st, havoyi vaslini men muncha chandon istaram,
Domi-zulfi qaddina o‘zimni zindon istaram,
Dema: g‘amdan bir zamon ko‘nglimni xandon istaram,
Bir g‘arib oshiq manam, yor, sani sandan istaram,
Kecha-kunduzi, biling, huv-hoya oshiq bo‘lmisham.

Istamas yorim mani, ul yora zorim yo‘q manim,
Qolmisham hayron bo‘lib, g‘ayrat-madorim yo‘q manim,
Oldi jonim ishq o‘ti, ixtiyorim yo‘q manim,
Kelsa — aqlim tark etar, ketsa — qarorim yo‘q manim,
Kiprigi — o‘q, qoshlari — ol oya oshiq bo‘lmisham.

Aytadir Maxtumquli, man unda kona o‘g‘radim,
Sayl etib bordim, falakda lomakona o‘g‘radim,
Chun meni rasvo qilibdur, ishqi kona o‘g‘radim,
Etmish ikki shahr ila ming bir do‘kona o‘g‘radim,
Shuncha sargardon bo‘lib, man zoya oshiq bo‘lmisham.

~ Hazrati Maxtumquli qoddasallohu sirrihu

P.s: Bir g‘arib oshiq manam, yor, sani sandan istaram...🪷