😀
Oʻzbekiston, Turkmaniston va Qoraqalpogʻiston Respublikasi xalq artisti Bobomurod Hamdamov 84 yoshida olamdan oʻtdi

Bobomurod Hamdamov 1940-yil Turkmanistonning Chorjoʻy shahrida tugʻilgan. Oʻzbekiston, Turkmaniston va Qoraqalpogʻiston Respublikasi xalq artisti, oʻzbek sanʼatining klassik hofizi va ustozi, “Doʻstlik” ordeni sohibi hisoblanadi.

U asosan 4 til: oʻzbek, turkman, tojik va hind tilida xalq qoʻshiqlarini ijro etgan. Oʻrta maktabni tugatgandan keyin koʻtarma kranchilar tayyorlaydigan qisqa kursni bitirib, qurilishga ishga kirgan. Ammo qoʻshiq aytishni yaxshi koʻrgani uchun dastlab hindcha qoʻshiqlar aytgan, Komiljon Otaniyozovning Toshovuzdagi ansamblida ishlagan.

Bobomurod Hamdamov oʻzbek milliy qoʻshiqchilik sanʼatining rivojlanishida salmoqli hissa qoʻshib, bir nechta oʻlmas asarlar yaratdi va tomoshabinlar olqishiga sazovor boʻldi. Ayniqsa uning “Sulton Jaloliddin”, “Kim ekan”, “Devona”, “Galdimu”, “Qoʻrqdim” kabi qoʻshiqlari keng ommalashib, xalq qalbida munosib oʻrin egalladi.

Bobomurod Hamdamov buyuk hofiz Komiljon Otaniyozovning munosib izdoshi edi. Uning qoʻshiqlari va ijodi oʻzbek sanʼatining “oltin fondi”ga kiritilgan.

😄Jadidmedia’ga obuna bo‘ling