Исломхон жомеъ масжиди

ЎҒРИНИ МЕНГА АЛЛОҲ СЎЗЛАТДИ

Ҳужжатул Ислом Абу Ҳомид Ғаззолий раҳматуллоҳи алайҳи Абу Наср Исмоилийга шогирд тушиш учун Тусдан Журжонга бориб, бир неча йил у ерда илм таҳсил қилди. Юртига қайтаётганда карвонни қароқчилар талади. Улардан бири пул бор деган гумонда ёш олим Ғаззолийнинг ҳалтасини олиб қочди. Олим унинг ортидан қувиб борар экан, бор овози билан: “Ҳалтамни қайтаринглар, унда сизларга керак нарса йўқ”, деб қичқирарди. Шунда ўғриларнинг каттаси: “Ортиингга қайт, бўлмаса, ўласан”, деб бақирди. Олим эса: “Менга фақат битикларим керак, қолганини олаверинглар майли”, деб хитоб қилди. Ўғрибоши: “Нима бор унда?” деди. Имом Ғаззолий: “Унда ўрганган, ёзган дарсликларим, дафтарларим бор, мен буларни қанча умр сарфлаб жамлаганман, ахир бу менинг бир неча йилда йиққан илмларим”, деди. Шунда ўғриларнинг каттаси ҳоҳолаб кулиб: “Қандай қилиб бу сенинг илминг бўлади, биз олиб қўйсанг, ўзингда ҳеч нарса қолмас эканку”, дейди. Кейин эса битикларни эгасига қайтариб беради.
Имом Ғаззолий айтади: “Нима қилишим кераклигини кўрсатиш учун Аллоҳ ўғрини менга сўзлатди, дедимда, Тусга келиб, ўша ёзганларимни уч йилда тўлиқ ёд олдим. Уларни шунчалар мустаҳкам ҳифз этдимки, энди йўлтўсарлар китобларимни тортиб олишса ҳам парво қилмайман”.

Кечаги воқеаларда айнан ушбу ҳикоя ёдимга тушди. Аммо мен замонга мос хулоса олдим, компьюторни вертуал хотирага (OneDrive) боғлаб қўйдим😊. Чунки бунда маълумотни сақлашгина эмас, унинг битигини, тайёр ҳолатини асраш ҳам мумкин бўлади. Бошқаларга ҳам тавсия қиламан. Бироқ, интернет бўлмаса, бу хотирадаги маълумотлардан ҳеч қандай фойдалана олмайсиз. Шунинг учун ҳаммамиз билишимиз керак бўлган ҳақиқат шуки, илмни ёд олишга ўрганиш, хусусан, ёшликда бунга қаттиқ эътибор қаратиш лозим экан.

Эътибор ва дуолар учун барча хайрхоҳ азизларимизга яна бир бор ташаккур.

©️♻️Дўстларингизга ҳам юборинг.
Siz uchun foydali kanal!
https://t.me/Islomxon_jome_masjidi

Бир аёл ҳар сафар ўғилларидан биронтасини хулқида ёмон ўзгаришни кўрса, дарров садақа қилиб, таом тарқатар ва ушбу: “Уларнинг молларидан садақа ол. Бу билан уларни поклайсан, тозалайсан ва уларнинг ҳаққига дуо қил...” Тавба сураси, 103 -оятни ўқиб дуо қиларкан: “Аллоҳим, ушбу садақам фарзандимнинг ахлоқи покланиши учундир, чунки унинг бу ҳоли менга у касал бўлиб, хасталанганидан кўпроқ таъсир қилади, безовта қилади” дер экан.
Яна бир аёл бўлса, камбағал эди, кунлик топганларига кифоя қиларли кун кечиришарди. Шу сабаб садақа қилишга ҳеч нарса тополмасди. Эри ёки ўғли бирон айб, гуноҳ содир қилишса, кечаси туриб Бақара сурасини зам қилиб намоз ўқир ва: “Аллоҳим, бу менинг садақамдир, уни мендан қабул эт. Уни менга ислоҳ қилиб бергин”, дея дуо қиларди.
Нима учун вафот этган инсон дунёга қайтиш имкони берилса, садақани танлайди? Бу ҳақда Қуръони каримда: “Ва бирингизга ўлим келиб: «Эй Роббим, агар менинг ўлимимни яқин муддатга орқага сурсанг, бас, садақа қилиб солиҳлардан бўлсам», демасдан аввал Биз сизларга ризқ қилиб берган нарсалардан нафақа қилинг” (Мунофиқун сураси, 10- оят), деб айтилган.
Нима учун “Умра қиламан” демайди, “намоз ўқийман” демайди, “рўза тутаман” демайди, балки “садақа қиламан” дейди.
Илм аҳли дейишди: Вафот этган киши ўлимидан кейин садақани қай даражада фойдаси, асари улкан бўлишини кўргани учун ҳам шундай дейди. Садақани кўпайтиринглар, албатта мўмин қиёмат кунида садақасининг сояси остида бўлади. Айни дамда сиз қилишингиз мумкин бўлган энг афзал садақа - ушбу ўқиганингизни садақа ниятида бошқаларга ҳам улашишингизда ҳамдур!♻️Дўстларингизга ҳам юборинг.
Siz uchun foydali kanal!
https://t.me/Islomxon_jome_masjidi