“Bo‘lajak olim” tanlovi doirasida quyidagilar bo‘yicha arizalar qabul qilinadi:

➖Ilmiy dalil, muammo, faraz, nazariya turli fan sohalarining asosiy tamoyillari, ustuvor qoidalari asosida ishlab chiqilgan loyiha bo‘lishi lozim;

➖Ilmiy g‘oyani amalga oshirish uchun talab etiladigan mablag‘lar aniq va asoslangan hisob-kitob qilingan bo‘lishi lozim;

➖Ilmiy g‘oyaning aniq amalga oshirish mexanizmlari, muddati va dastlabki natijalari ko‘rsatilgan bo‘lishi lozim;

➖Topshirilgan ilmiy g‘oya va loyihani amalga oshirishga so‘ralgan mablag‘ mos-ravishda bazaviy hisoblash miqdorining 400 hamda 3000 barobarigacha bo‘lishi zarur;

➖Tanlov ishtirokchilari O‘zbekiston Respublikasi fuqarosi bo‘lishi talab etiladi;

➖Ishtirokchilar yoshi, ilmiy darajasi, unvoni, mansabi va ish joyidan qat’iy nazar 40 yoshdan oshmasligi lozim;

➖1 nafar ishtirokchi 1 ta loyiha (ilmiy g‘oya yoki startap loyiha) bilan ishtirok etishi lozim;

➖Taqdim etilgan ilmiy g‘oyalar tanlov talablariga qatiy rioya qilingan, ilmiy g‘oya materiallari ishonchli va haqqoniy, ko‘chirmachilikka (plagiat) yo‘l qo‘yilmagan, belgilangan talablar asosida shakllantirilgan bo‘lishi lozim;

➖Tanlovda g‘olib deb topilgan ilmiy g‘oyalar uchun ajratilgan mablag‘lar asosida maket va (yoki) prototip yaratish hamda uning bir birlik namunasini Innovatsion rivojlanish agentligi binosining Yoshlar akademiyasi uchun ajratilgan koʻrgazmalar zali (show-room)da joylashtirish lozim.