Inklyuziv hudud: “Yangi asr” mahallasida ijtimoiy koʻcha tashkil etilmoqda
🇺🇿 Fargʻona tumanining “Yangi asr” mahalla fuqarolar yigʻini hududida nogironligi boʻlgan shaxslarning qulay va toʻsiqlarsiz harakatlanishi uchun shaharsozlik me'yorlari va talablari asosida ijtimoiy koʻcha tashkil etilmoqda. Ayni manzil viloyat ma'muriy markazidan 1,8 km. uzoqlikda joylashgan.
🟢 Ijtimoiy himoya milliy agentligining hududiy boshqarmasi boshligʻi Abdunazar Salimov viloyat hokimi oʻrinbosari Sherzodbek Polvonovga mahallaning “Yangi Oʻzbekiston” massivida ijtimoiy koʻcha bapro etish hamda yangidan qad rostlagan 24-umumiy oʻrta ta'lim maktabida “inklyuziv sinf” faoliyatini yoʻlga qoʻyish yuzasidan amalga oshirilgan ishlar haqida batafsil ma'lumot berdi.
👥 Massivda 11 ming 300 nafardan ortiq aholi istiqomat qiladi, ularning 95 nafari nogironligi boʻlgan fuqarolar hisoblanadi. Shuningdek, 167 ta oila “Ijtimoiy himoya” reestriga kiritilgan.
🧮 Hududda nogironligi boʻlgan shaxslarning qulay va toʻsiqlarsiz harakatlanishi uchun zarur infratuzilma yaratilmoqda. Binobarin, nogironligi boʻlgan shaxslar uchun adaptiv sport turlarini rivojlantirish, “Workout” maydonchalari tashkil etish, maxsus yoʻlaklar va bekatlar qurish koʻzda tutilgan.
💻 “Yangi Oʻzbekiston” massivida alohida ta'lim ehtiyojlari boʻlgan bolalar soni 26 nafarni tashkil qilsa, ularning 15 nafari ta'limga jalb qilingan, xolos. 24-maktabda inklyuziv sinf va 18-sonli davlat maktabgacha ta'lim tashkilotida inklyuziv guruh ochish orqali alohida ta'lim ehtiyojlari boʻlgan bolalarni ta'lim bilan toʻliq qamrab olish hamda ijtimoiylashuviga erishish mumkin.
😮 Mas'ullar MFY hududida nogironligi boʻlgan shaxslarning bandligini ta'minlash uchun boʻsh va foydalanuvsiz binolar mavjudligi, tadbirkorlik faoliyatini qoʻllab-quvvatlash evaziga yangi ish oʻrinlari yaratish imkoni mavjudligini alohida e'tirof etdilar.
🟢 IHMA Fargʻona viloyati boshqarmasi Axborot xizmati.
🇺🇿 Fargʻona tumanining “Yangi asr” mahalla fuqarolar yigʻini hududida nogironligi boʻlgan shaxslarning qulay va toʻsiqlarsiz harakatlanishi uchun shaharsozlik me'yorlari va talablari asosida ijtimoiy koʻcha tashkil etilmoqda. Ayni manzil viloyat ma'muriy markazidan 1,8 km. uzoqlikda joylashgan.
🟢 Ijtimoiy himoya milliy agentligining hududiy boshqarmasi boshligʻi Abdunazar Salimov viloyat hokimi oʻrinbosari Sherzodbek Polvonovga mahallaning “Yangi Oʻzbekiston” massivida ijtimoiy koʻcha bapro etish hamda yangidan qad rostlagan 24-umumiy oʻrta ta'lim maktabida “inklyuziv sinf” faoliyatini yoʻlga qoʻyish yuzasidan amalga oshirilgan ishlar haqida batafsil ma'lumot berdi.
👥 Massivda 11 ming 300 nafardan ortiq aholi istiqomat qiladi, ularning 95 nafari nogironligi boʻlgan fuqarolar hisoblanadi. Shuningdek, 167 ta oila “Ijtimoiy himoya” reestriga kiritilgan.
🧮 Hududda nogironligi boʻlgan shaxslarning qulay va toʻsiqlarsiz harakatlanishi uchun zarur infratuzilma yaratilmoqda. Binobarin, nogironligi boʻlgan shaxslar uchun adaptiv sport turlarini rivojlantirish, “Workout” maydonchalari tashkil etish, maxsus yoʻlaklar va bekatlar qurish koʻzda tutilgan.
💻 “Yangi Oʻzbekiston” massivida alohida ta'lim ehtiyojlari boʻlgan bolalar soni 26 nafarni tashkil qilsa, ularning 15 nafari ta'limga jalb qilingan, xolos. 24-maktabda inklyuziv sinf va 18-sonli davlat maktabgacha ta'lim tashkilotida inklyuziv guruh ochish orqali alohida ta'lim ehtiyojlari boʻlgan bolalarni ta'lim bilan toʻliq qamrab olish hamda ijtimoiylashuviga erishish mumkin.
😮 Mas'ullar MFY hududida nogironligi boʻlgan shaxslarning bandligini ta'minlash uchun boʻsh va foydalanuvsiz binolar mavjudligi, tadbirkorlik faoliyatini qoʻllab-quvvatlash evaziga yangi ish oʻrinlari yaratish imkoni mavjudligini alohida e'tirof etdilar.
🟢 IHMA Fargʻona viloyati boshqarmasi Axborot xizmati.