“Kambag‘allikdan farovonlik sari” dasturining ijrosi amalda

16-dekabr kuni Prezidentimiz raisligida o‘tkazilgan mahallalarda kambag‘allikni qisqartirish bo‘yicha qilingan ishlar sarhisobi va 2025-yil uchun ustuvor vazifalarga bag‘ishlangan videoselektor yig‘ilishida berilgan vazifalar ijrosini ta’minlash maqsadida Shahrixon tuman madaniyat markazida uchrashuv o‘tkazildi.

Unda Andijon mashinasozlik instituti rektori Umid Turdialiyev o‘ziga biriktirilgan “O‘zbekiston” mahalla fuqarolar yig‘inlari fuqarolari bilan ochiq muloqot qildi.

Uchrashuvda yurtimizda aholi turmush shart-sharoitini yaxshilash, tadbirkorlikni rivojlantirish, kambag‘allikni qisqartirish va ijtimoiy qo‘llab-quvvatlash dasturlarining natijadorligiga erishishda yangicha yondashuv va to‘plangan milliy tajribani qo‘llash chora-tadbirlarini yanada yuqori bosqichga olib chiqish borasida keng ko‘lamli ishlar olib borilayotgani qayd etildi.

Muloqot davomida fuqarolarning murojaatlari tinglanib, mavjud muammo va imkoniyatlar bilan tanishildi. mahalla yettiligi, tadbirkorlar hamda faollarning fikr va mulohazalari tinglanib, hududni ijtimoiy-iqtisodiy rivojlantirish, aholi bandligini oshirish, ishsizlik va kambag‘allikni qisqartirish imkoniyatlari ko‘rib chiqildi.

O‘z navbatida oilalar vakillari ham kambag‘allik darajasidan chiqib ketishlarini, oilaviy daromadlarini oshirib, turmush farovonligini yaxshilab olishini bildirdi.

Viloyatda “Kambag‘allikdan farovonlik sari” dasturi doirasidagi amaliy ishlar davom etmoqda.

✅ Bizni kuzatishda davom eting!
📱Sayt | 📱Telegram |📱 Facebook | 📱Instagram | 📱YouTube