Men amin bo'ldim .

Universitetdan berilgan topshiriqlarni bajarish uchun Alixonto'ra Sog'uniy hazratlarining " Turkiston qayg'usi " asarini o'qishni boshladim .

Oldindan qiynab kelayotgan bir savolimga javob topdim ko'plardan eshitgan edim ammo dalil isbotim yo'q edi endi amin bo'ldim .

Mening haqiqatim shuki :

1840 yillardan boshlab SSSR boshqinchilari O'rta Osiyoni istilo qila boshladilar . Bu yerda 3 ta mustaqil davlat bor edi : Buxoro amirligi Qo'qon va Xorazm xonliklari . Yevropada ilm madaniyat taraqqiy qilib butun insoniyat olamida uyg'onish yog'dusi socha boshlagan bir davrda bu xonliklar xurofot dunyosiga botib , johilyatning nihoyatida yetgan edilar . Ne qobilyatlik vatan o'g'lonlari o'zlarining umirlarini Buxoroning qadimgi zax madrasalarida arabiy , forsiy tillarni o'rganish bilangina o'tkazdilar .

Farobiylar , Ibn Sinolar chiqgan bu vatanning va millatning istiqboli uchun hech kim qayg'urmas edi .

Shunday axvolda bo'la turib ittifoqsizlik balosining eng yuqori bosqichiga yetganliklarini isbotlasb uchun dushmanga qarshi birlashish o'rniga doim o'zaro nizo va qon to'kish bilan ovora edilar .

O'za nizo , ilmsizlik , va befarqlik . Shu narsalar bizlarni harob qilgan .

Yuqoridagi ma'lumotlar Alixonto'ra Sog'uniyning Turkiston qayg'usi asaridan olindi ( manba : Alixonto'ra Sog'uniy. Turkiston qayg'usi. 36-bet)

Habibullayev Axrorbek
Namangan. 09.12.2024