Video is unavailable for watching
Show in Telegram
Ekologik falokat: Qashqadaryoda mahsulotlar yo‘q qilindi, ammo atrof-muhit chetda qoldi
Majburiy ijro byurosining Qashqadaryo viloyat boshqarmasi tomonidan sud hujjatlariga asosan 36 turdagi, umumiy qiymati 100 million so‘mdan ortiq bo‘lgan saqlash muddati o‘tgan va qalbakilashtirilgan dori vositalari, 393 quti pirotexnika vositalari, 3 767 quti tamaki mahsulotlari va parfyumeriya vositalari hamda 500 million so‘mlik qo‘lbola usulda tayyorlangan 20 mingdan ziyod alkogol mahsulotlari yo‘q qilindi.
Mazkur mahsulotlarni yo‘q qilish jarayoni jamoatchilikda jiddiy savollarni yuzaga keltirdi. Lavhani kuzatgan odam bunday ekologik zararli amaliyotga ishonishni istamaydi. Eng katta muammo shundaki, 20 mingdan ortiq alkogol mahsulotlari bulldozer yordamida yanchib tashlangan. Bunday usul ekologik jihatdan xavfli bo‘lib, sindirilgan idishlardagi alkogol tuproqqa yoki suv manbalariga sizib chiqishi mumkin. Bu esa yer osti suvlarining ifloslanishiga olib kelib, ekologik muvozanatga jiddiy zarar yetkazishi ehtimolini oshiradi. Yanchilgan shisha bo‘laklari esa xavfli chiqindi bo‘lib, tirik organizmlarga tahdid soladi.
Bundan ham achinarli jihati, 36 turdagi dori vositalari, tamaki va parfyumeriya mahsulotlarining to‘g‘ridan-to‘g‘ri yoqib yuborilganidir. Saqlash muddati o‘tgan va qalbakilashtirilgan dorilarni ochiq handakda yoqish natijasida turli kimyoviy moddalar, jumladan dioksinlar, furanlar, azot oksidlari va og‘ir metall bug‘lari havoga chiqadi. Ushbu gazlar nafaqat atmosferani ifloslantiradi, balki inson salomatligiga ham zarar yetkazadi. Bundan tashqari, yonish jarayoni to‘liq amalga oshmasa, toksik qoldiqlar tuproq va suvga singib, atrof-muhitga uzoq muddatli zarar yetkazishi mumkin.
Shu sababli, bunday mahsulotlarni yo‘q qilishda ekologik xavfsiz usullar qo‘llanilishi lozim. Misol uchun, alkogol mahsulotlarini tozalash orqali texnik spirt sifatida qayta ishlash mumkin edi. Shisha idishlar esa qayta ishlash zavodlariga topshirilib, yangi mahsulot ishlab chiqarishga yo‘naltirilishi kerak edi. Dorilar esa maxsus krematoriyalarda yoki kimyoviy neytrallash usullari orqali yo‘q qilinishi lozim edi.
Dorilar va boshqa zararli mahsulotlarni ochiq havoda yoqish ekologik jihatdan zararli va bunday amaliyot taqiqlanishi kerak. Bunday vaziyatlarning oldini olish uchun rasmiy ekologik standartlarga mos keladigan zararsizlantirish usullarini qo‘llash muhimdir. Faqat shundagina biz atrof-muhit va kelajak avlodlar oldidagi mas’uliyatimizni ado etgan bo‘lamiz.
Vaziyatga Ekologiya, atrof-muhitni muhofaza qilish va iqlim o‘zgarishi vazirligi tomonidan huquqiy baho berilishini so‘raymiz.
@feruzbeksayfullayev
Majburiy ijro byurosining Qashqadaryo viloyat boshqarmasi tomonidan sud hujjatlariga asosan 36 turdagi, umumiy qiymati 100 million so‘mdan ortiq bo‘lgan saqlash muddati o‘tgan va qalbakilashtirilgan dori vositalari, 393 quti pirotexnika vositalari, 3 767 quti tamaki mahsulotlari va parfyumeriya vositalari hamda 500 million so‘mlik qo‘lbola usulda tayyorlangan 20 mingdan ziyod alkogol mahsulotlari yo‘q qilindi.
Mazkur mahsulotlarni yo‘q qilish jarayoni jamoatchilikda jiddiy savollarni yuzaga keltirdi. Lavhani kuzatgan odam bunday ekologik zararli amaliyotga ishonishni istamaydi. Eng katta muammo shundaki, 20 mingdan ortiq alkogol mahsulotlari bulldozer yordamida yanchib tashlangan. Bunday usul ekologik jihatdan xavfli bo‘lib, sindirilgan idishlardagi alkogol tuproqqa yoki suv manbalariga sizib chiqishi mumkin. Bu esa yer osti suvlarining ifloslanishiga olib kelib, ekologik muvozanatga jiddiy zarar yetkazishi ehtimolini oshiradi. Yanchilgan shisha bo‘laklari esa xavfli chiqindi bo‘lib, tirik organizmlarga tahdid soladi.
Bundan ham achinarli jihati, 36 turdagi dori vositalari, tamaki va parfyumeriya mahsulotlarining to‘g‘ridan-to‘g‘ri yoqib yuborilganidir. Saqlash muddati o‘tgan va qalbakilashtirilgan dorilarni ochiq handakda yoqish natijasida turli kimyoviy moddalar, jumladan dioksinlar, furanlar, azot oksidlari va og‘ir metall bug‘lari havoga chiqadi. Ushbu gazlar nafaqat atmosferani ifloslantiradi, balki inson salomatligiga ham zarar yetkazadi. Bundan tashqari, yonish jarayoni to‘liq amalga oshmasa, toksik qoldiqlar tuproq va suvga singib, atrof-muhitga uzoq muddatli zarar yetkazishi mumkin.
Shu sababli, bunday mahsulotlarni yo‘q qilishda ekologik xavfsiz usullar qo‘llanilishi lozim. Misol uchun, alkogol mahsulotlarini tozalash orqali texnik spirt sifatida qayta ishlash mumkin edi. Shisha idishlar esa qayta ishlash zavodlariga topshirilib, yangi mahsulot ishlab chiqarishga yo‘naltirilishi kerak edi. Dorilar esa maxsus krematoriyalarda yoki kimyoviy neytrallash usullari orqali yo‘q qilinishi lozim edi.
Dorilar va boshqa zararli mahsulotlarni ochiq havoda yoqish ekologik jihatdan zararli va bunday amaliyot taqiqlanishi kerak. Bunday vaziyatlarning oldini olish uchun rasmiy ekologik standartlarga mos keladigan zararsizlantirish usullarini qo‘llash muhimdir. Faqat shundagina biz atrof-muhit va kelajak avlodlar oldidagi mas’uliyatimizni ado etgan bo‘lamiz.
Vaziyatga Ekologiya, atrof-muhitni muhofaza qilish va iqlim o‘zgarishi vazirligi tomonidan huquqiy baho berilishini so‘raymiz.
@feruzbeksayfullayev