Madina qamali taxminan ikki hafta davom etdi va makkaliklarning xandaqdan o‘tib, Madinaga bostirib kirishga urinishi mutlaq muvaffaqiyatsizlik bilan yakunlandi. Musulmonlarning bu jangdagi g‘alabasi ko‘p jihatdan Payg‘ambar (s.a.v)ning donoligi bilan bog‘liq edi. Muhammad (sollallohu alayhi va sallam) yaxshiroq ma’lumotlarga va samaraliroq maxfiy agentlarga ega edilar. U Zot Arabistonda ilgari qo‘llanilmagan, Madina atrofidagi hududga noyob tarzda mos keladigan juda ijodiy mudofaa strategiyasini tanladilar. Bosqinchilar qamalni yorib o‘ta olmadilar, chunki ular buni kutmagan va bunga tayyorlanmagan edilar. Ular hali ham o‘zlarining otliq qo‘shinlari katta ustunlik berishi mumkin bo‘lgan ochiq jang usullariga bog‘lanib qolishgandi. Muhammad (sollallohu alayhi va sallam) esa raqiblarini ular istagan sharoitda kutib olishdan bosh tortdi.