🌸❄️
Bu qalin qorlardan bexabar edik,
Bilmovdik umrimiz rostmi-yolg’onmi.
Talashib-tortishib, alqashib yedik
kosamiz tagida qolgan yovg’onni.
Aldangan daraxtdek erta gulladik,
Hafsala pir bo’lsa, bari behuda.
Qanday go’zal bo’lsam, shunday– tippa-tik
Bahorga kirishni xohlovdim juda.
Aldamchi yomg’irlar, qorlar ham tindi,
Kosa oqarmadi, yovg’on ham yo’qdir.
Oldinda dahshatli bo’shliq bor endi,
Biz bir vaqt suyangan yolg’on ham yo’qdir.
Bu qalin qorlardan bexabar edik…
✍️MehrNoz