Firibgarlardan ehtiyot bo'ling.
Ilgari turli ko'rsatuv, kanal va yangiliklarda eshitgandim, ko'rgandim. Bugun esa bu men bilan sodir bo'ldi. Nima emish, bankdan nomimga kredit rasmiylashtirilgan emish.
Men haromxo'rni tanib qoldim va suhbat yakunlandi.
Firibgar pul yechib olsa, nima bo'lardi? U O'zbekistonda bo'lsa va pul tashqariga chiqmagan bo'lsa, uni topish mumkin faqat 50/50 ehtimol bilan.
Agar chet eldan amalga oshirgan bo'lsa, pullaringizni ham, firibgarni ham topib bo'lmaydi.
Xullas ularni qanday farqlash va topish mumkin, shunga doir maslahatlar.
1. Bank xodimi o'zini tanishtirishi va siz haqingizda ma'lumot berishi kerak. Lekin buni o'zi kamlik qiladi. (Chunki hozirda shaxsiy ma'lumotlaringizni aniqlash qiyin ish emas)
2. Qo'ng'iroq qilayotgan raqamga e'tibor bering. Chet el raqami bo'lsa, ko'tarmaslik eng yaxshi yo'li(telefonda gaplashish orqali bir paytning o'zida ma'lumotlaringizni sizdirib olish mumkin)
O'zbekiston raqami bo'lsa, e'tibor bering. Bankda oddiy raqamlar kam bo'ladi, haqiqiy banklar odatda esda qolarli, chiroyli raqamlardan foydalanishadi.
3. SMS kod, karta raqam aslo ayta ko'rmang! Bank sizdan bularni so'ramaydi. Bank faqat kartaning oxirgi to'rtta raqamini so'rashi mumkin, lekin hammasini emas.
4. Eng xavfsiz yo'li, bankka borish. Agarda bank yoki firibgarni farqlay olmasangiz bankka borishingiz ayting va bu eng to'gri yo'l.
Ular bilan qanday kurashish mumkin?
Atrofingizdagilarga buni tushuntiring va ogohlantiring.
Eng asosiysi ishlatmaydigan sim kartalaringizni o'chirtiring(nomingizdan), buni aloqa operatoringizni filialiga borib o'chirtirasiz.
Ko'pchilik bunday qilmaydi va raqam hisobida mablag' bo'lmagan holda "o'chiq" bo'ladi, sim karta esa hali ham sizni nomingizda.
Bunday sim kartalar firibgarlar uchun esa yo'l. Ular asosan shunday raqamlarni topib, foydalanishadi.
Ogoh bo'laylik!
