***
Ochning koʻzi bilan boqdim dunyoga,
Qushning koʻzi bilan boqdim dunyoga,
Non boʻlib koʻrindi, don boʻlib koʻrindi – dunyosi...

Yoʻlchi koʻzi bilan boqdim dunyoga,
Tomchi koʻzi bilan boqdim dunyoga,
Yoʻl boʻlib koʻrindi, hoʻl boʻlib koʻrindi – dunyosi...

Naqqosh koʻzi bilan boqdim dunyoga,
Bebosh koʻzi bilan boqdim dunyoga,
Naqsh boʻlib koʻrindi, fahsh boʻlib koʻrindi – dunyosi...

Qamchi koʻzi bilan boqdim dunyoga,
Jangchi koʻzi bilan boqdim dunyoga,
Tang boʻlib koʻrindi, jang boʻlib koʻrindi – dunyosi...

©Bobur Elmurod