СЎЗЛАРИ БИЙРОН ҚИЗИМ

(Неварам Одинахонга)

Сўзлари дона- дона,
Сўзларида ифор бор.
Табассумли юзида,
Гўзаллик бор, баҳор бор.


Ойисига суянчиқ,
Укасига ҳамдамим.
Кулгилари жарангдор,
Мунис, қутлуғ қадамим!

Бобожоним! десанг гар,
Кўнглим гулдек яшнайди.
Камолингни ўйлайман,
Хаёл йўлга бошлайди.

...Соч-соқолим кумуш қор,
Сен-чи кўклам қизисан.
Орзуим осмонида,
Бахт-иқбол юлдузисан!


БОБОҚУЛ УСМОН