Hissizlik ko’zimda qotib qolganday
Boqdim… Hech narsaga endi hayrat yo’q,
Hamma narsa mavjud katta dunyoda
Bizlar birga tushgan bitta surat yo’q…

To’g’ri, asli bizlar ko’p uzoq uchdik
Nasiba yo’q ekan birga uchishga,
Suratlaring minglab… Suratim minglab
Qismat buyurmadi birga tushishga…

Qo’llarimga oldim rasmingni yana
Yuragimni battar achishtiryapman,
Bu qanday telbalik… Parchalash uchun
Suratlarimizni yopishtiryapman…

Aslida parchalab tashlangan qalbim…
- Mahliyo Karimova