SEN  DEYSAN…

Yomgʻir dek, sochildim, poyingga, deysan,
Sharqirab, oqmadim soyingga, deysan.
Menda baland edi, gʻurur va obroʻ -
Bosh egdim, istagan joyingga, deysan.

Tushkun kayfiyatda qolyapman, deysan,
Otash dek, choʻgʻ boʻlib yonyapman, deysan.
Ba’riga kech boʻlgan, imkonsiz visol,
Nechun unutolmay - boryapman, deysan.

Haqqimni men talab qilolmam, deysan,
Xatoyim neligin, bilolmam, deysan.
Menga mushtoq edi, bir necha koʻzlar -
Men senga xiyonat, qilolmam, deysan.

Yulduz dek, boʻzlolmay sarsonman, deysan,
Dunningda larzonman - larzonman, deysan.
Garchan, atrofimda oshiqlarim bor -
Sen uchun bunchalar, arzonman, deysan.

Sen meni sevdim deb aldading, deysan,
Yolgʻon muhabbatga tanlading, deysan.
Mendan nima oʻtdi, menda ne gunoh?
Yonimdan, aylanib avrading, deysan.

Gulim deb, soʻzlarding gulmanmi, deysan,
Yo ishqning qoʻlida, qulmanmi, deysan.
Sendan sado chiqmas, sukutsan mudom,
Shamolda sovrilgan, kulmanmi, deysan.

- Faqat sen yonmading, men ham yonyapman,
Menda ham shodlik yoʻq, gʻamda qolyapman.
Tashimda, kulgu bor - dilimda qaygʻu,
Men boʻlsa dardimni she’rga yoryapman...

She’rga yoryapmanu, nurab boryapman...

Muallifni topolmadim, bilsangiz yozing...