Bekobod tuman Yuridik xizmat ko'rsatish markazi

Интизомий жазони муддатидан олдин олиб ташлаш.

Кеча бир ташкилот кадровиги билан шу масалада гаплашиб қолдик, иш берувчи томонидан ходимга интизомий жазо қўлланган 3 ойдан сўнг касаба уюшмаси интизомий жазони олиб ташлаш бўйича илтимоснома киритган. Шу ҳолатда иш берувчи интизомий жазони олиб ташлаш керакми деган савол ўртага ташланди.

МКнинг 315-моддаси биринчи қисмига асосан Интизомий жазонинг амал қилиш муддати у қўлланилган кундан эътиборан бир йилдан ошмаслиги керак. Яъни интизомий жазонинг амал қилиш муддати бир йил, агар иш берувчи жазони ўз ташаббуси билан муддатидан олдин олмаса, бир йилдан сўнг ўз-ўзидан автоматик тарзда тугалланади.

Мазкур модданинг 3-қисмига кўра, иш берувчи интизомий жазони ўз ташаббусига кўра, ходимнинг бевосита раҳбарининг, касаба уюшмаси қўмитасининг илтимосномасига, шунингдек ходимнинг илтимосига кўра, бир йил ўтгунига қадар муддатидан олдин олиб ташлаш ҳуқуқига эга. Интизомий жазони муддатидан олдин олиб ташлаш иш берувчининг буйруғи билан расмийлаштирилади.

Бу қисм масалага ойдинлик киритувчи энг муҳим қисм ҳисобланади. Бу ерда интизомий жазони муддатидан олдин олиб ташлаш иш берувчининг ҳуқуқи дейилмоқда. Яъни гарчи касаба уюшмаси илтимоснома киритган бўлса-да, ходимдан интизомий жазони олиб ташлаш иш берувчининг ихтиёрида бўлади.

Каналга уланиш👇👇👇
https://t.me/Bekobod_tuman_YXKM

Декрет таътилидан қайтган ўқитувчиларга фақат таътилдан аввалги дарс соатларигина берилади(ми)?!

Савол:
Февральдан ишга қайтмоқчиман. Декретдан қайтганлар фақатгина таътилдан аввалги дарсини ўта олади ҳалосми? Масалан, декрет таътилига чиқмасдан аввал дарс 10 соат эди. Ишга қайтганимдан кейин ҳам шу 10 соатга ишлайманми?

Жавоб: “Умумтаълим синфларни комплектлаш ҳамда тарификация рўйхатларини шакллантириш тартиби тўғрисида”ги низомнинг 19-бандига кўра, ҳомиладорлик ва туғиш таътили ҳамда бола парваришидан қайтган ўқитувчиларга дарс соатлари меҳнат қонунчилигига асосан мазкур Низомнинг 15-бандида белгиланган кўрсаткичлар устувор кетма-кетлиги асосида тақсимланади.

✅Яъни, ходим декрет таътилидан қайтганда унинг дарслари қайта тақсимланади.

Ўқитувчининг кўрсатгич натижалари юқори бўлса, (олимпиадалардаги натижаси, тоифа, сертификат ва ҳ.к) унга аввалгидан ҳам кўпроқ дарс соатлари ажратилиши мумкин.

Умуман олганда, ҳомиладорлик ва туғиш таътили ҳамда бола парваришидан қайтган ўқитувчиларга фақат таътилдан аввалги дарс соатларигина берилади, деган қоида йўқ.

Каналга уланиш👇👇👇
https://t.me/Bekobod_tuman_YXKM

“Tibbiyot muassasalarini moddiy rag‘batlantirish va rivojlantirish jamg‘armasi to‘g‘risida”gi nizomning 8-bandiga ko’ra, tibbiyot muassasasi xodimlariga moddiy rag‘batlantirishning quyidagi turlari qo‘llaniladi https://lex.uz/uz/docs/-6358374:

tibbiyot muassasasining yuqori malakali, alohida natijaga erishgan, halol va vijdonan ishlayotgan tibbiyot hamda farmatsevtika xodimlariga oylik lavozim maoshining 100 foizigacha hamda boshqa xodimlarga 75 foizigacha oylik ustamalar (keyingi o‘rinlarda oylik foizli ustamalar deb ataladi);

yangi ish boshlagan salohiyatli yosh shifokorlarga 1 million so‘mgacha maxsus oylik ustamalar;

oilaviy shifokor punktlari, oilaviy poliklinikalar va ko‘p tarmoqli markaziy poliklinikalarda kunduzgi statsionar ish vaqtini soat 20:00 gacha uzaytirish hisobiga ikkinchi smenada ishlovchi shifokor hamda hamshiralarga lavozim maoshining 30 foizigacha oylik qo‘shimcha ustamalar;

tibbiyot muassasalari barcha xodimlariga kasbiy va boshqa bayramlar munosabati bilan beriladigan mukofot pullari, shuningdek, moddiy yordam pullari.

Nizomning 17-bandiga ko’ra, tibbiyot muassasalari xodimlariga kasbiy va boshqa bayramlarda beriladigan mukofot miqdori bir kalendar yil mobaynida har bir xodimga ikki lavozim maoshidan oshmagan holda belgilanadi.

Каналга уланиш👇👇👇
https://t.me/Bekobod_tuman_YXKM

Ertaga ish kuni …

Ассалому алайкум, яхшимисила? Хамкасблар эртага иш куними ёки байрамми этворила?

Ertaga ish kuni. Chunki ertaga ishlanadigan bayram kuni!

MK 208-moddasiga ko’ra, quyidagi 9️⃣ta ishlanmaydigan bayram kuni bor:
1-yanvar — Yangi yil;
8-mart — Xotin-qizlar kuni;
21-mart — Navro‘z bayrami;
9-may — Xotira va qadrlash kuni;
1-sentabr — Mustaqillik kuni;
1-oktabr — O‘qituvchi va murabbiylar kuni;
8-dekabr — O‘zbekiston Respublikasi Konstitutsiyasi kuni;
Ro‘za hayit (Iyd al-Fitr) diniy bayramining birinchi kuni;
Qurbon hayit (Iyd al-Adha) diniy bayramining birinchi kuni.

O‘zbekiston Respublikasida qonun bilan tasdiqlangan bayramlar soni — 3️⃣0️⃣ dan ortiq. Shundan 9️⃣ tasi ishlanmaydigan, qolganlari esa ishlanadigan bayram kunlaridir. 14-yanvar — Vatan himoyachilari kuni O‘zbekiston Respublikasining 29.12.1993 yildagi 1018-XII-son Qonuni bilan belgilangan ishlanadigan bayram kunlaridan biridir.

Demak, ertaga ish kuni. 14-yanvar — Vatan himoyachilari kuni ishlanadigan bayram kuni.

Каналга уланиш👇👇👇
https://t.me/Bekobod_tuman_YXKM

Ассалому алайкум! Мехнат таътилида бўлган ходим сиртқи таълимда ўқиши бошланганлиги тўғрисидаги маълумотномани олиб келди. Ушбу холатла қандай йўл тутилса тўғри бўоади? Илтимос асоси бн жавоб берворилар

Javob: MK 229-moddasiga ko’ra, har yilgi mehnat ta’tili o‘quv ta’tiliga to‘g‘ri kelib qolganda xodimlar har yilgi mehnat ta’tilini uzaytirish yoki boshqa muddatga ko‘chirish huquqiga ega.

Agar har yilgi mehnat ta’tilidan foydalanishga monelik qiluvchi sabablar ta’til boshlanguniga qadar kelib chiqqan bo‘lsa, xodim bilan ish beruvchi o‘rtasidagi kelishuvga binoan ta’tildan foydalanishning yangi muddati belgilanadi. Bunday sabablar ta’til davrida kelib chiqqan hollarda ta’til tegishli kunlar soniga uzaytiriladi yoki xodim bilan ish beruvchining kelishuviga ko‘ra ta’tilning foydalanilmay qolgan qismi boshqa muddatga ko‘chiriladi.

Xodim har yilgi mehnat ta’tilidan foydalanishga to‘sqinlik qiladigan, yuzaga kelgan sabablar to‘g‘risida ish beruvchini yozma shaklda xabardor qilishi shart.
Agar xodim ushbu Kodeks 228-moddasining uchinchi qismida nazarda tutilgan muddatda ta’til boshlanadigan vaqt haqida o‘z vaqtida xabardor qilinmagan yoki unga ta’til boshlanguniga qadar ushbu Kodeks 233-moddasining ikkinchi qismiga muvofiq ta’til vaqti uchun haq to‘lanmagan bo‘lsa, har yilgi mehnat ta’tili xodimning arizasiga ko‘ra boshqa muddatga ko‘chiriladi.

Demak, Sizning holatda ta’tilidan foydalanishga monelik qiluvchi sabab ya'ni o'quv ta'tili har yilgi mehnat ta’tili davrida kelib chiqqanligi sababli, xodim o'quv ta'tili tufayli har yilgi mehnat ta’tilini uzaytirish uchun ariza yozadi, arizaga OTMning chaqiruv qog'ozini ilova qiladi hamda xodimning har yilgi mehnat ta’tilini uzaytirish bo’yicha ish beruvchinig buyrug’i qabul qilinadi. Yoki xodim bilan ish beruvchining kelishuviga ko‘ra ta’tilning foydalanilmay qolgan qismi boshqa muddatga ko‘chiriladi.

Каналга уланиш👇👇👇
https://t.me/Bekobod_tuman_YXKM