КEЧИРИНГ ОНА

Ҳар доим кутади қучоқлар очиб,
Меҳрини беради борича сочиб,
Умр ҳам ўтяпди сувдайин оқиб,
Кўп шўхлик қилдим мен кечиринг она.

Хасратлар қочсин деб бўлганда ҳушёр,
Дуода тинмаган унутмай зинҳор,
Мен ожиз бандаман, гуноҳим бисёр,
Кўп шўхлик қилдим мен кечиринг она.

Яхшига, ёмонга бирдек бўл деган,
Ҳар вақт болам деъя ғамимни еган,
Улғайган бўлсамда кичикдек кўрган,
Кўп шўхлик қилдим мен кечиринг она.

Барчасин англадим тушуниб етдим,
Мансаб деб ўшанда шошилиб кетдим,
Ўйласам шу бугун уялиб кетдим,
Кўп шўхлик қилдим мен кечиринг она.

Ўзингиз фариштам, ўзингиздир ой,
Сиздайин топмадим кўнгилли бир жой,
Сиз борки оламда очаман чирой,
Кўп шўхлик қилдим мен кечиринг она.

Онамнинг умрга умр бер, Аллоҳ,
Шодлик кунимизда бўлсин у ҳамроҳ,
Узрлар сўрайман пойи жаннат, моҳ,
Кўп шўхлик қилдим мен кечиринг она.

✍️ Солиҳабегим
Дилафруз Шаҳрихоний

👨‍👨‍👧‍👦 @BaxtliOilam_uz - Обуна бўлишни унутманг!