❗️Ўзбекистон Республикаси Марказий банки бошқарувининг 19/3-сонли қарорига илова: Жисмоний шахсларнинг муддати ўтган қарздорликларини ундиришда уларнинг ҳуқуқ ва қонуний манфаатларини ҳимоя қилишни таъминлашга доир тавсиялар

☑️Кредит ташкилотининг ташаббусига кўра, қуйидаги ҳолларда қарздор билан бевосита ўзаро муносабатларга киришишга йўл қўйилмайди:

▪️соат 20:00 дан 8:00 гача бўлган вақтда;
▪️ҳафтада бир мартадан ортиқ шахсий учрашувлар;
▪️телефон алоқа орқали:
▪️кунига бир мартадан ортиқ;
▪️ҳафтасига икки мартадан ортиқ;
▪️ойига саккиз мартадан ортиқ.

☑️Кредит ташкилоти ходими қарздор билан ҳар сафар шахсий учрашув асосида ўзаро муносабатларга киришишда қарздорга кредит ташкилотининг номи ҳамда ташкилот номидан учрашаётганлигини билдирган ҳолда ўзининг исми, фамилияси ва шарифи тўғрисида маълумот бериши лозим.

❌Кредит ташкилоти томонидан қарздорга электрон алоқа тармоқлари орқали матнли, овозли ва бошқа хабарларни юбориш қуйидаги ҳолларда йўл қўйилмайди:

▪️соат 20:00 дан 8:00 гача бўлган вақтда;
▪️кунига икки мартадан ортиқ;
▪️ҳафтасига тўрт мартадан ортиқ;
▪️ойига ўн олти мартадан ортиқ.

❗️Қарздорнинг розилигидан қатъи назар, қарздор, муддати ўтган қарз ва унинг ундирилиши тўғрисидаги маълумотларни ҳамда қарздорнинг бошқа шахсий маълумотларини чекланмаган миқдордаги шахсларга ошкор қилиш, шу жумладан бундай маълумотларни интернет тармоғида ёки турар-жой бинолари, уй-жой, бошқа ҳар қандай бино, қурилма, иншоотларда жойлаштириш тақиқланади.

Агар қонун бузилиш ҳолатларига учрасангиз Марказий банкнинг ишонч телефонларига боғланинг — (+99871)-200-00-44.

Каналга аьзо булинг👇👇👇👇
https://t.me/Bank_messages

Мурожаат учун 👇👇👇👇👇 @Bank_messagesbot га ёзинг

Мухокама учун гурухимиз👇👇
https://t.me/Bank_yangiliklari