Vatan bilan hukumat ayro tushunchalardir. Vatanga xizmat qilish bilan unga zarar berayotgan kimsalarga it bo'lish orasida farq katta.
Vatan bu hokimiyatni egallab olgan bir to'da muttahamlar emas. Vatan bu Karimov emas, Mirziyoyev emas, yoki Mirziyoyevning qizlariyu, kuyovlari emas.
Raxbarlar, amaldorlar, hukumatlar keladi-ketadi. Lekin vatan qoladi. Ammo, no'noq raxbarlar kelsa, vatan xalqparvar bo'lmagan kimsalar qo'lida qolsa, falokatga uchraydi. Noto'g'ri boshqaruv, bir to'da o'g'rilarga manfaat keltirgan paxta siyosati sabab, bir vaqtlar vatanimizning bir bo'lagi bo'lgan Orol dengizi bugun yo'q. Yo'qotishlarimiz juda katta. Mendan nega bunday ahvolga keldik deb so'rashsa, odamlar vatan bilan elitani farqlay olmay qolgani, hokimiyat tepasidagi shaxslarni vatan deb hisoblashi, boshqaruv vatan ravnaqi uchun ishlamayotgan bo'lsa ham, unga itdek xizmat qilishlarida deb javob beraman. Zero, vatan nimaligini anglagan kishi, uni har qanday xavfdan himoya qilish uchun jonini tikadi. Xox u xavf tashqarida bo'lsin, xox ichkarida, xox hukumat tepasida!
Agar, oramizda bugungi bayramni bayram deb hisoblaydiganlarchalik vatanparvarlar bo'lganida edi, bugun Orol bor bo'lardi. Bayramingiz bilan "vatanparvarlar".

@AsliddinKamol