Anvar ibn Asliddin

SEFER loyihasidan ketdim.

Sefer bu - shunchaki bir loyiha emas edi, u mening birinchi loyiham edi (albatta Shahzoda Hakimova bilan birga boshlagan edik). U shunchaki loyiha emas edi, u oila, do'stlar, yangi chellenjlar, kitoblar, rivojlanish, vaqti chog'lik edi. Sefer loyihasini boshlar ekanmiz ko'plab muammolarga duch keldim, mas'uliyat nimaligini rostan ham his qila oldim. Oldin loyihalarda tashkiliy jamoa safida bo'lganimda qandaydir muammoga duch kelsam, u muammo haiqda o'zimdan teparoqda turgan kimgadir aytib murojaat qilib chiqar edim. Lekin Seferda o'sha murojaat qilinadigan eng oxirgi odam o'zim bo'ldim.

Jamoa bilan ishlar ekansiz jamoada har xil harakterli insonlarga duch kelasiz, har bir insonning o'z harakteri, potensialidan kelib chiqib ularga vazifa yuklaysiz, butun boshli jarayonni siz nazorat qilib turasiz. Har safar jamoa qarshisiga chiqqaningizda 14 nafar qora ko'z sizga qarab turganini ko'rasiz va ular oldidagi mas'uliyat, javobgarlik yanada ortadi. Har bir gapirayotgan gapingiza va hatti-harakatingizga e'tiborli bo'la boshlaysiz. Tashkiliy jamoada yig'ilgan har bir jamoa a'zosi bilim, o'qishdagi yutuqlar , dunyoqarash va tarbiya jihatdan eng zo'rlari, bunga ishonchim komil. Loyiha davomida shunchalik birlashib kettikki endi bizni Sefer loyihasi emas do'stlik va o'zaro mehr-oqibat birlashtirib turadi deb o'ylayman.
Har biringizga kattakon rahmat aytaman, sizlardek insonlar atrofimda borligi bu mening katta yutuqlarimdan biri. Hammangizning kelgusi ishlaringizda rivoj tilayman.

4-may kuni Sefer loyihasi 2-mavsumining yakuni bo'ldi, va o'sha kunda Sefer loyihasi uchun yangi loyiha rahbari tanladim va Sefer loyihasini tark etdim. Endi sizlar Sefer loyihasida boshqa inson boshchiligida qatnashishingiz mumkin.
Sefer men qatnashayotgan ijtimoiy loyihalar ichida eng oxirgisi edi, endi rasmiy ravishda barcha ijtimoiy loyihalarni tark etdim. Endi lagerlar ham, loyihalar ham yo'q, hozir hayotimda yangi sahifa boshlandi, yuqoriroqda aytganim, yaqin orada yoziladigan "3 bor uchrashuv" nomli post ham aynan shu yangi sahifa haqida bo'ladi.

Bir yil oldin butunlay introvert bo'lgan, omma oldida chiqib bir og'iz so'z aytishga uyalgan o'sha Anvar bugun boshqa darajaga yetib keldi va bu darajaga yetib kelgunimcha atrofimda bo'lgan, qo'llab-quvvatlagan, ishonch bildirgan hammaga rahmat. Blogimni kuzatib borib reaksiya bosib turganlarga ham rahmat(:

Xullas shunaqa gaplar azizlar. Blogni kuzatishda davom eting, tez orada sizlar bilan yangi sahifada yangi sayohatlarni boshlaymiz, bu sayohatimiz avvalgilaridan qiziq bo'ladi deb umid qilaman. Ha aytgancha reaksiya bosishni unutmanglar.

Hurmat bilan Anvar Abdisaidov

Hayotda shunaqasi ham bo’lib turadi.

#eslatma

Kitobga muhabbat

Ko’plab asarlar muallifi, hadis ilmida katta mehnat qilgan imom Zuxriy rohimahulloh ko’p kitob o’qiganlaridan u zotning ayoli shunday degan ekan: “Kitoblar men uchun 3 ta kundoshdan ham afzaldir.”
Azizlar bu nima degani bilasizmi?
Yo’q, bu yerda majoziy masala yo’q. Ayol rost aytyapti. O’zingiz o’ylab ko’ring, agar uning uchta kundoshi bo’lsa demak unga navbat hech bo’lmasa to’rt kunda yetib keladi. Ammo Zuxriy rohimahullohning ayoliga kitob tufayli o’sha to’rt kunda ham navbat kelmagan.
Kitobga muhabbat mana shundoq bo’ladi!

#eslatma

Ulamolarning go’shti zaxarlidir…

Bosiladigan reaksiyalarni postga qarab bosasizlarmi ishqilib? 😅