Bu yilgi Prezident stipendiyasi Abrorbekka nasib qildi
Andijon mashinasozlik instituti Intellektual boshqaruv va kompyuter tizimlari fakulteti Texnologik jarayonlar va ishlab chiqarishni avtomatlashtirish va boshqarish yo‘nalishi 4-boshqich talabasi Muhammad Aminov Abrorbek Dilshodbek o‘g‘li Prezident stipendiyasi sohibi bo‘ldi.
Abrorbek 2021-yilda Mashinasozlik ishlab chiqarishini avtomatlashtirish yo‘nalishiga talabalikka qabul qilingan.
U o‘qish va jamoat ishlarida faol ishtirok etish bilan birga, institut va fakultet tomonidan o‘tkazilgan sport musobaqalari, “Zakovat” intellektual o‘yinlari, “Quvnoqlar va zukkolar” ko‘rik tanlovi, insholar tanlovida va boshqa bir qator ko‘rik tanlovlarda muntazam ishtirok etadi.
Bilimlarni qunt bilan o‘zlashtirishga harakat qilib, darslarga mas’uliyat hamda qiziquvchanlik bilan yondashadi. O‘z mutaxassisligini chuqur o‘rganishga harakat qiladi. Yo‘nalishi bo‘yicha o‘tkazilgan tadbirlarda mutaxassislik bilimlarini ko‘rsata olgan. Bir qator Xalqaro va Respublika miqyosidagi ilmiy-amaliy anjumanlarda maqola va tezislari bilan ishtirok etgan.
Abrorbek institut “Korrupsiyaga qarshi kurashish” tashkiloti faol a’zosi hisoblanadi.
U yaqinda institutimizda o‘tkazilgan “Robo Challenge - 2022” ko‘rik tanlovida “Mobil robotlar poygasi” nominatsiyasi g‘olibi bo‘ldi. Bundan tashqari, yana bir qator tanlovlarda faxrli o‘rinlarni egallagani uchun diplom va esdalik sovg‘alari bilan taqdirlangan. Rektor hamda atoqli olim, professor T.Iminov nomidagi stipendiya sohibi.
Xalqaro talabalar kuni munosabati bilan institutda tashkil etilgan “Yangi O‘zbekiston yoshlari -birlashaylik” shiori ostidagi “Yil e’tirofi” yoshlar festivali doirasida tashkil etilgan “Yilning eng faol talabasi 2024” ko‘rik tanlovida “Yilning o‘z mutaxassisligi bo‘yicha eng bilimdon talabasi” nominatsiyasidan faxrli uchinchi o‘rin sohibi.
