Iqror

Kuzak bitdi, ogʻriq yaraday,
Ishqdan zarra yoʻqdir nishona.
Ikkimizda topilmas sabot,
Jonim, bizga bahor begona.

Sevmaganman rostini aytsam,
Yangi yilday kutmadim, ilhaq.
Yolgʻonlarning ichida yashab,-
Aytaqolgin, qay birimiz haq.

Aslo yoʻqdir zarracha zorlik,
Hayotimda nima yoʻqolar.
Seningdek bir qalamqosh yorlik,
Oʻrningni ham toʻldira olar.

Koʻz oldingda sochilsam - tafsir,
- Anglaysanmi borligimni-ya,
O Sulayhiy, xutbalar oʻqib,
Os meni Mashrabning doriga.

© Navroʻz Suvonov