...ga

Dur kabi sochilar savdoda sabrim,
Hovurim bosolmas hech bitta ohang.
Oʻzining domiga tortib oladi
Chayqovchi kasbili eski bir nahang.

Umrni oʻlchashar: bahosi uch soʻm
Yalindim, haq soʻzning bahosi oʻssin.
Haqiqat jovdirab turgan mahalda,
Yolgʻon soʻzlar aytsam tilimni kessin.

Kessin razolatning ildizlarini,
Oʻzin charxga ursin zanglagan tigʻlar.
Men kulib ochaman qalbim toʻrini,
Boʻm-boʻsh yuragimda faqat soʻz yigʻlar.

© Navroʻz Suvonov