Bu dunyoning o’tkinchi ekanligini tushunib yetgan insonlar bu dunyoda yutganlardir !
Hamma bir kun kelib xohlaydimi, yo'qmi bu foniy dunyoni tark etadi.Yosh-u qari, yaxshi-yu yomon, boy va kambag'al - barcha-barchasi bir kun kelib bu dunyodan ko'z yumadi!
Yuqorida ta'kidlaganimdek, bu foniy olamda g'olib bo'lganlar mana shu oddiygina hayot falsafasini anglaganlardir. Afsuski, oramizda faqatgina buguni bilan yashab, mangu uyqu- o'lim haqida unutib qo'yayotganlar ham talaygina. Qilayotgan gunohlari haqida gapirilsa, "Savobi ham, gunohi ham o'zimga, javobini o'zim beraman-ku", deyishadi. Menimcha, bunaqa fikrlovchi kishilar ertaga u dunyosida qay tarzda javob berishini to'laqonli ravishda anglaganida, ehtimol bu foniy olamga nisbatan qarashlari biroz bo'lsa-da boshqacha bo'lgan bo'larmidi...Hozir bu narsalar haqida tushunchaga ega bo’lish u qadar qiyin narsa emas. Kitob varaqlab izlanish ham shart emas, zamon rivojlangan ijtimoy tarmoqlar bor. Alhamdulillah, diniy ulomalari ko’p qorilari bor yurtda yashaymiz .Ular bu narsalar haqida tushunchangizni boyita oladi !
O’lim - qo'rqinchli tushuncha emas, aslida, o'lamiz-u ketamiz! Lekin o'lgandan keyin nima bo'lishini bilish - bu qo'rqinchli tushuncha va o'limgacha bolgan hayotni o’zgartirishingizga sabab bo’la oladi.Bu foniy hayot insonga bir marotaba beriladi.( DTM ga kirayotgan abituriyent, misol deylik unga test beriladi, natijasiga qarab o’qishga qabul qilinadi.) Biz ham bir abituriyentmiz-da, faqat biz bu testni bir marotaba bajara olamiz va natijasi bilan Jannat ga yoki Do'zax ga erishamiz. Uni bir marotaba beriladi-ku deb, xohlagan ishini qilish nodonlikdir!
Achinarlisi, yoshi bir joyga yetgan bu hayotda bor mazzani qilib ulgurganlar hamon maza qilishda davom etmoqda. Allah hammamizning qalbimizni iymon ,islom bilan yoritsin.
Nima ham derdim, har bir insonning o’ziga yarasha gunohi yetarlicha, Lekin qilgan gunohlari uchun tavba qilib, Allahdan chin qalbdan kechirim so’rashni ham bilish kerak. Allah rahmli, mehribon zotdir.O’zi tog’ri yo’lga boshlaydi ,kechiradi siz tavba qilib o’zingizni isloh qilsangiz bas !
O’lim haqida eslashlik kerak ! O’lim yosh ham, joy ham tanlab kelmaydi. Bugun sog’ uxlab ertaga uyg’onmay qolishingizdan qo’rqing !
Bilasiz, kanalimga ko’p post yozmayman.Post yozishim uchun nimadir meni ta'sirlantirishi kerak, yo xursand qilishi kerak. Bugun aynan shunday meni ta'sirlantiruvchi holatning guvohi bo'ldim: adirda bir guruh odamlar alkagol iste'mol qilib o'tirardi. Bu holat ayanchli emasmi! Bilmadim, ular qaysi iymon va vijdon bilan bu muborak oyni qay holda o'tkazishgan va mana qay tarzda yakunlashyapti. Ramazon oyi 1oy davom etadi, ammo majburlik tufayli emas, sitqidildan, ixlos ila ro'zalar tutib, toat-ibodatlar ado etilsa, shu oyda Allohga yaqin bo'lib boshqa oylarda ham o'zini o'zgartirish uchun imkon yaratgan bo'lar edi. O’zgarish uchun 1 oy kam vaqt emas edi. Nima deyishni bilmay qoldim...So’raydigan narsam - Allah o’shalarga ham insof bersin, iymon bersin.Yoshlarga o’rnak bo’lsin, axir ular ham kimningdir otasi, kimningdir akasi yoki qarindoshi-ku!
Post uzun bo’ldi. Shu yergacha to’liq o’qigan bo’lsangiz, xursandman. Noto’g’ri fikr yuritgan bo’lsam, izohlar ochiq fikringizni kutaman !
O’limni eslang yana bir bor !
