Ummu Oyisha || 🌵

Qachon nafsing bir narsani xohlasa, sotib olmadingmi? Sabrli bo’lishni qachon o’rganasan?

Har yolg’iz qolganingda gunoh qilmadingmi? Taqvoli bo’lishni qachon o’rganasan?

Har holdan toyganingda, dam olmadingmi? Chidamlilikni qachon o’rganasan?

Har safar sen uchun yengilchilik bo’lganda, haddingdan oshmadingmi?

Shunday qilib qachon tavba qilishni boshlaysan?

Bir gunoh qilasan, u bilan birga Qur’on-i Karim ketadi, namoz ketadi, kechasini namoz bilan qoim qilish ketadi, Allohdan qo’rqish ketadi, so’ngra u bilan birga zikr ketadi, so’ngra esa huzur ketadi va qiyin bir holat keladi.

Unutmagin-ki haromning eng qiyini, boshidir.
So’ngra osonlashadi va yoqimli bo’ladi.
So’ngra o’rganib qolinadi va lazzatli bo’lishni boshlaydi.
So’ngra qalbga yaxshilab o’rnashib oladi.
So’ngra esa qalb boshqa bir haromni izlaydi. Agar nafsing seni gunoh qilishga undayotgan bo’lsa, u bilan yaxshilab gaplash va aytgin-ki: «Bu yaxshiroqmi? Yo’qsa, taqvo egalariga va’da qilingan abadiy jannatmi?». (Furqon: 15).

Allohim! Senga isyon qilishni bizga yomon qilib ko’rsatgin! Senga itoat etishni esa bizga suydurgin!
©Fidda

Bir ayol Makkaga haj va umra ziyoratini ado etishga keldi, u juda go‘zal ayollardan edi.

U tosh otish uchun borganida. Uni, ayollar bilan noz-karashma qilib, ularga mahliyo bo‘ladigan mashhur lirik shoir Umar ibn Abu Robiya ko‘rib qoldi va u bilan gaplashishni istadi.

Ikkinchi kechasi u, uni ta'qib qilganida, ayol unga shunday hitob qildi.
"Bu yerdan ket, chunki men muqaddas yerda va muqaddas kunlardaman".
Va undan qo‘rqgancha chodirga tezda qaytdi.

Uchinchi kechada u ukasiga: "Men bilan yur, marosimlarni ko‘rsat." dedi.

Umar ibn Abu Robia uni ukasi bilan ko‘rgach, bir chetda turdi va yaqinlashmadi.

U kulib, o'zining mashhur so'zlarini aytdi:
"Bo'rilar qo'riqchisi bo'lmaganlarga hujum qiladi va yovuz yirtqichning hujumidan ehtiyot bo'ling."

Xalifa Abu Ja’far al-Mansur bu voqeani eshitgach:
“Har bir Quraysh qizi bu xabarni eshitishini istardim ” dedi.

Va mamlakatlarning birida zakiyya ayol yashar edi, uning qizi bor edi va u tashqariga chiqmoqchi bo'lganida, onasi o'g'illariga dedi:
"Opangizni qo‘ring(himoya qiling), chunki, uni himoya qiladigan va uning yo'lini kengaytiradigan sizlar bo‘lasiz! Mahramisiz qiz, bo'rilar orasidagi qo'yga o'xshaydi, va har qanday bo‘ri unga tashlanishi mumkin.

Bu xabar: otalar, onalar, akalar va erlar uchun!

U erkak, Allohning Baytullohida bo'lsa ham uni ta'qib qildi!
Endi, bozorlarimiz, savdo markazlarimiz va ko'chalarimiz haqida nima deyish mumkin?
Ey erkaklar jamoasi, ayollarni yolg'iz qoldirmang, ular haqida shubhangiz uchun emas, balki ular haqida qayg‘urishingiz va nomuslarini himoya qilishingiz uchun!

©️Vadduha

Payg‘ambarimiz (sollallohu alayhi vasallam) aytdilar: "Qaysi bir ayol erining ruxsatisiz uyidan chiqsa, to uyiga qaytgunga qadar, unga quyosh va oy nuri tushib turgan har bir narsa la’nat aytadi". 

Talha ibn Abdulloh (r.a.) rivoyat qiladilar: Payg‘ambarimiz (sollallohu alayhi vasallam) aytdilar: "Qaysi bir ayol erining yuziga noxush nazar qilib, qalbiga g‘am-anduh solsa, to u ayol erining yuziga kulib xursandchilik bilan boqib, surur baxsh etmaguncha, Allohning g‘azabida bo‘ladi". 

Salmon Forsiy (r.a.) rivoyat qilganlar:
"Fotima (r.a.) Rasulullohning (sollallohu alayhi vasallam) huzurlariga kelib, Payg‘ambarimizga (sollallohu alayhi vasallam) nazar solib yig‘lab yubordilar. 
Payg‘ambarimiz (sollallohu alayhi vasallam): "Ey Fotima! Nimaga yig‘layapsan?" dedilar. Fotima: 
"Kecha men bilan kuyovingiz ikkovimizning o‘rtamizda mazaxli so‘zlar bo‘ldi. Natijada erim mendan ranjib qoldi. Shunda men erimning g‘azabnok bo‘lganini ko‘rib, g‘am-anduhga tushdim, afsus-nadomatlar qildim. Erimning atrofida yetmish ikki marotaba aylanib, "Mendan rozi bo‘ling", dedim, axiyri yuzlarida xursandchilik va rozilikni paydo qildim", dedilar.
Payg‘ambarimiz (sollallohu alayhi  vasallam): "Ey qizim! Allohga qasamki, agar sen eringni rozi qilmay vafot qilganingda, janozangni o‘qimasdim", dedilar.

#Durratun nosihiyn (Nasihatgo’ylar duri)
Usmon ibn Hasan ibn Ahmad Shokir Xubariy 

Kimning gunohi ko'p bo'lsayu, mashaqqatsiz o'sha gunohlardan xalos bo'lishni va Alloh uni o'chirib yuborishini istasa, namozdan keyin joynamozini tark etmay, duolarni ko'paytirish uchun o'tirsin. Chunki bu paytda farishtalar uning haqqiga istig'for aytishadi.

Ibn Battol rohimahulloh

Qachonki men Sendan soʻzlay boshladim,
Oʻzim unutganim eslay boshladim.

Aybning haddini bildim shu onki,
Aybni oʻzimga toʻnkay boshladim.

Oʻzgani oʻnglamoq boʻldim, chap ketdi,
Eng oʻngi oʻzimni oʻnglay boshladim.

Soʻzingni oʻzimga oʻngladim, kuydim,
Oʻzimni Soʻzingga oʻnglay boshladim.

Oʻzimni istadim, topdim shu damki,
Oʻzimdan Oʻzingni izlay boshladim.

Qabrga hozirlik koʻrishlik uchun
Vujudim qabrda anglay boshladim.

Oʻzimdan oʻzimga ulush qolgancha
Oʻzingdan haydading, boʻzlay boshladim.

Men bormi, Sen yoʻqsan, Sen bormi, men yoʻq,
Seni deb, “men”imni ilgʻay boshladim.

Yashashchun kurashib, yashay olmagach,
Oʻzimni oʻldirdim, yashay boshladim.

Oʻzimdan oʻtganin oʻzim bildimu,
“Oʻzimdan oʻtdi” deb, yigʻlay boshladim.
 

Husaynxon Yahyo Abdulmajid

🌙 Alloh haqida yaxshi gumon:

سأل رجل ابن عباس
من يحاسب الناس يوم القيامة؟
قال: الله
قال الأعرابي: نجونا ورب الكعبة

Bir kishi Ibn Abbosdan soʻradi:
- Qiyomat kuni insonlarni kim savol-javob qiladi?
- Alloh
- Ka’baning egasi bilan qasamki, unday boʻlsa biz najot topibmiz.