Yurist Muzaffar 🛡

‼️Bolalar nafaqasi va moddiy yordam tayinlash quyidagi holatlarda rad qilinadi:

🧾 Oila a’zosiga to‘g‘ri keladigan daromad 669 ming so‘mdan yuqori bo‘lsa.

🚗 12 yildan oshmagan yengil avtotransport mavjud bo‘lsa (nogironlar uchun — 7 yil).

🚚 15 yildan oshmagan yuk mashinalari, avtobus, traktor va boshqa texnikaga egalik qilinsa.

🏦 Tijorat banklaridagi depozitdagi mablag‘lar MHTEKMning 5 baravaridan oshsa.

🏠 2 tadan ortiq ko‘chmas mulk yoki 1 tadan ortiq noturar joy mavjud bo‘lsa.

🛑 Ariza beruvchi oila a’zolari bankdagi depozitga 5 baravar miqdorda mablag‘ ega bo‘lsa.

🧍‍♂️ Rasmiy daromad manbai yo‘q va 6 oy davomida ish izlash uchun mehnat organlariga murojaat qilinmagan bo‘lsa.

⌛️ Oila a’zosi 12 oy ichida 2 marta ishdan bosh tortgan bo‘lsa.

⚖️ Sudyalar va ularning oila a’zolari, maxsus tuzilmada ishlovchilar uchun alohida tartib belgilangan.

🪖 HMQO tizimi (Huquqni muhofaza qiluvchi organlar) xodimlarining arizalari qabul qilinmaydi.

📅 2024 yil 16 iyuldan boshlab, “Yagona milliy mehnat tizimi”da ma’lumoti yo‘q fuqarolarga davlat yordami taqdim etilmaydi.

👉 @yurist_muzaffar 🫡

Agar biror ishni qilishga qaror qilsangiz, “TAVAKKUL” ni unga olib boruvchi ko‘prik qiling!

Agar zamon sizga zo‘rlik qilsa, ROBBINGIZdan ishlaringizni oson qilishini so‘rang!

Rizqning torligidan xavotirga tushmang!

Alloh burgutlar orasida chumchuqqa ham rizq bergan Zotdir.

Bilingki, Alloh har bir kiprik qoqilishini —yu, qalblardagi maxfiy sirlarni ham bilur.

Modomiki tirik ekansiz, shukr qiluvchilardan bo‘ling!

Bilingki, hayot doimiy qiyinchilikda davom etmaydi.

Alhamdulillah deng, doimo masrur bo‘lasiz.

👉 @yurist_muzaffar 🫡

Bizdan ko‘pchilik so‘rayotgan savollardan biri:

Nikohdan ajratish uchun sudga murojaat qilishda qancha to‘lov qilinadi va qanday hujjatlar kerak bo‘ladi?

Sudga murojaat qilishda:

✅ Nikohdan ajratishga da’vo ariza;
✅ Nikoh guvohnomasi;
✅ Farzandlar bo‘lsa, ularning tug‘ilganlik haqidagi guvohnomalari;
✅ MFY oilaviy masalalar bo‘yicha komissiya qarori;
✅ Sud xarajati to‘langanligi haqidagi kvitansiya kerak bo‘ladi.

To‘lov:

📌 Davlat boji bazaviy hisoblash miqdorining 2 baravari (hozirgi kunda 750 000 so‘m) miqdorida;
📌 Pochta xarajatiga 37 500 so‘m undiriladi.

‼️ Takroriy nikohni bekor qilish haqidagi da’vo arizalaridan BHMning 4 baravari miqdorida davlat boji undiriladi.

👉 @yurist_muzaffar 🫡

Rasmiy munosabat
Jarima ballari 1 may kunidan boshlab kuchga kirmaydi.

Jarima ballarini hisoblash tartibi to‘g‘risidagi normativ-huquqiy hujjat belgilangan tartibda ishlab chiqilmoqda.

Shu bois tegishli normativ-huquqiy hujjat qabul qilinganidan so‘ng, yo‘l harakati qoidabuzarliklari uchun beriladigan jarima ballarining hisoblanish muddati va tartibi aniq belgilanadi.

Yo‘l harakati xavfsizligi xizmati

👉 @yurist_muzaffar 🫡

Haqorat uchun qancha ma’naviy zarar undirsa bo‘ladi?

Assalomu alaykum, meni haqoratlab, obro‘sizlantirganligi va bundan sog‘lig‘imga zarar yetkazilganligi sababli, sog‘lig‘imni tiklash uchun javobgar necha barobargacha menga zararni qoplab berishi kerak? SMS orqali haqorat qilgan, o‘zining raqamidan. Javob uchun rahmat.

YURIST JAVOBI:

O‘zbekiston Respublikasi qonunchiligiga ko‘ra, har qanday holatda ham shaxsni haqorat qilish va unga tuhmat qilish taqiqlangan. Bu huquq hech kimga berilmagan. Aksincha, mazkur qilmishlarni sodir etgan shaxslarga nisbatan ma’muriy va jinoiy javobgarlik choralari belgilangan.

🔴 Xususan, Ma’muriy javobgarlik to‘g‘risidagi kodeks 41-moddasiga muvofiq haqorat qilish, ya’ni shaxsning sha’ni va qadr-qimmatini qasddan kamsitish:
👉 Bazaviy hisoblash miqdorining 20 baravaridan 40 baravarigacha miqdorda jarima solishga sabab bo‘ladi.
🔴 Shuningdek, ushbu kodeks 40-moddasida tuhmat, ya’ni bila turib yolg‘on, boshqa bir shaxsni sharmanda qiluvchi uydirmalarni tarqatish:
👉 Bazaviy hisoblash miqdorining 20 baravaridan 60 baravarigacha miqdorda jarima solishga sabab bo‘lishi mustahkamlab qo‘yilgan.
🔴 Endi qarang! Agar yuqoridagi qilmishlar ma’muriy jazo qo‘llanilgandan keyin 1 yil davomida qayta sodir etilsa, unda bu qilmishlarga nisbatan jinoiy javobgarlik choralari qo‘llanadi. (Jinoyat kodeksi 139-moddasi – tuhmat, 140-moddasi – haqorat)

❗️Bu holatda siz tuman IIBga va prokuraturaga murojaat qilishingiz lozim.

➡️ Ma’naviy zararni undirish masalasi mutlaqo boshqacha. Ma’naviy zarar miqdori aniq belgilanmagan va belgilanishi ham mumkin emas. Chunki ma’naviy zarar insonning ichki hissiyotlari va kechinmalariga bog‘liq bo‘ladi.

💁‍♂ Misol uchun, tuhmat bir shaxsga qattiq ta’sir qilishi, uning sog‘ligi yomonlashishiga, og‘ir oqibatlarga olib kelishi mumkin bo‘lsa, ba’zi shaxslar uchun bunday bo‘lmasligi mumkin. Shuning uchun qonun chiqaruvchi ma’naviy zarar miqdorini aniq belgilamaydi.

Oliy sud Plenumining 2000-yil 28-apreldagi 7-son “Ma’naviy zararni qoplash haqidagi qonunlarni qo‘llashning ayrim masalalari to‘g‘risida”gi qarori 2-bandiga asosan, ma’naviy zarar deganda jabrlanuvchiga qarshi sodir etilgan huquqbuzarlik harakati (harakatsizlik) oqibatida u boshidan kechirgan (o‘tkazgan) ma’naviy va jismoniy (kamsitish, jismoniy og‘riq, zarar ko‘rish, noqulaylik va boshqa) azoblar tushuniladi.

Bunda Fuqarolik kodeksining 1021-moddasiga binoan, ma’naviy zarar uni yetkazuvchining aybi bo‘lgan taqdirda, zarar yetkazuvchi tomonidan qoplanadi.

Bunda ma’naviy zararni qoplash miqdori jabrlanuvchiga yetkazilgan jismoniy va ma’naviy azoblarning xususiyatiga, shuningdek, ayb tovon to‘lashga asos bo‘lgan holatlarda zarar yetkazuvchining aybi darajasiga qarab sud tomonidan aniqlanadi (FK 1022-m).

☝️Aynan shu qoidaga muvofiq sizga yetkazilgan ma’naviy zararni o‘zingiz mustaqil baholaysiz va bunda sud ish holatidan kelib chiqib, siz so‘ragan ma’naviy zarar summasini to‘liq yoki ma’lum qismini undirib berishi mumkin.

✅ Shunday ekan, sizlar sudining qarorini asos qilib, fuqarolik sudiga zarar yetkazuvchidan ma’naviy zararni qoplash bo‘yicha da’vo arizasi bilan murojaat qilishingiz lozim.

✅ Fuqarolik protsessual kodeksining 33-moddasiga muvofiq da’vo arizasini siz zarar yetkazuvchining yashash joyidagi sudga berishingiz kerak.

👉 @yurist_muzaffar 🫡

Ассалому алейкум. Хурматли юрист ука, сизга битта саволим бор. Бугунги Реал ва Барселона уйинида, сиз кайси жамоага мухлислик киласиз...

👑HALA MADRID👑🫡



Hisobni taxmin qilamiz nechiga nechi boʻladi deb oʻylaysiz ?

👑 vs Barca ✍️👇

👉 @yurist_muzaffar 🫡

❗️Agar beton yoki elektr “stolba”ga o‘rnatilgan radardan sizga jarima kelsa, uni umuman to‘lamang.

Beton “stolba”lardagi radarlar qayd etgan jarimalar sudda bekor qilinadi.

Bunga uning beton “stolba”ga o‘rnatilgani sabab bo‘ladi. Namanganda shu bois ko‘plab noqonuniy radarlar tag-tugi bilan olib tashlanmoqda ekan. Bunga Namangan shahar hokimi sababchi.

Radar, texnik talablarga ko‘ra, 6 metrdan kam bo‘lmagan balandlikda alohida metall ustunga (!) o‘rnatilishi talab etiladi. Boshqalari noqonuniy hisoblanadi.

Yuqoridagi holatda radar beton simyo‘g‘ochga o‘rnatilgan. Bu esa uni o‘rnatish bo‘yicha belgilangan texnik talablarga mos emas. Shu bois haydovchi sudda yutdi va jarima bekor qilindi.

👉 @yurist_muzaffar 🫡

Er-xotin nikohdan ajrashayotganida bola ona bilan qolishi shart degan norma yo‘q!

Ko‘pchilik murojaatchilarimizda “bolam baribir onasi bilan qoldiriladi” degan noto‘g‘ri fikr bor ekan.

Aslida bu masala quyidagicha hal qilinadi:

‼️ O‘zbekiston Respublikasi Oila kodeksiga ko‘ra, ota-ona alohida yashaganda bolalarning qayerda yashashi ota-onaning kelishuviga binoan belgilanadi.

Ota-ona o‘rtasida kelishuv bo‘lmasa, nizo sud tomonidan bolalar manfaatlaridan kelib chiqib, ularning fikrini hisobga olgan holda hal etiladi. Bunda sud:

✅ bolaning ota-onadan, aka-uka, opa-singillaridan qaysi biriga bog‘lanib qolganligini;
✅ bolaning yoshini;
✅ ota-onasining axloqiy va boshqa shaxsiy fazilatlarini;
✅ ota-onaning har biri bilan bola o‘rtasidagi munosabatlarni;
✅ bolani tarbiyalash va uning kamoloti uchun shart-sharoitlar (ota-onaning mashg‘ulot turi, ish tartibi, moddiy hamda oilaviy ahvoli va boshqalar) yaratish imkoniyatini hisobga oladi.

Demak, otalar ham bolaning ular bilan qolishini suddan bemalol talab qilishlari mumkin.

👉 @yurist_muzaffar 🫡

Ассалому алайкум хозир вактда эрим БН ажрим арафасидамиз бизларни уйсиз колдирган ижара пулини тулатдирсак боладими?

Javob videoda 👆

Firibgarlar tuzogʻiga tushib qolmang.

IIB xodimi pasportni olib qo‘yishi mumkinmi?

O‘zbekiston Respublikasida pasport tizimi to‘g‘risidagi nizomga (5.01.2011 yildagi PF-4262-son Farmonga 1-ilova) ko‘ra, ushbu Nizomning 5 va 12 — 15-bandlarida nazarda tutilgan holatlardan tashqari, fuqarolardan pasportlarini olib qo‘yish taqiqlanadi.

Ushbu hujjatda pasportning quyidagi hollarda olib qo‘yilishi qayd etilgan:

👉 Qurolli Kuchlar safiga muddatli harbiy xizmatni o‘tashga chaqirilgan, shuningdek kontrakt asosida harbiy xizmatga kirgan, oliy harbiy-ta’lim muassasalariga o‘qishga kirgan fuqarolarning pasportlari;

👉 Pasport almashtirilganda;

👉 Hibsga olingan yoki ozodlikdan mahrum etishga yoxud qamoqqa hukm qilingan shaxsning pasporti. Bunday hollarda pasport surishtiruv, tergov idoralari yoki sud tomonidan olib qo‘yiladi.

Agar shaxs sudning hukmi bilan qamoqda qoldirilsa, uning pasporti Ichki ishlar vazirligi Jazoni ijro etish bosh boshqarmasiga yuboriladi. Shaxs qamoqdan ozod etilganida yoki jazo muddatini o‘tib bo‘lgach, unga pasporti tergov, sud idoralari yoki jazoni ijro etish muassasasi ma’muriyati tomonidan qaytariladi. Hibsga olingan yoki ozodlikdan mahrum etishga hukm qilingan shaxslarning tergov, sud idoralarida yoki jazoni ijro etish muassasasi ma’muriyatida saqlanayotgan muddati o‘tgan pasportlari Nizomda belgilangan tartibda yo‘q qilish uchun ma’lumotlarni yig‘ish punktiga yuboriladi;

Tekshirish, verifikatsiya (solishtirib o‘qish) jarayonida noaniqliklar yoki chegara (migratsiya) belgilar, xorijiy vizalar, ruxsatnoma yozuvlari qalbakilashtirilgani alomatlari aniqlangan, shuningdek belgilangan tartibda haqiqiy emas deb topilgan pasportlar tegishli vazirliklar va idoralarga yuborish uchun chegara nazorati bo‘linmalari tomonidan olib qo‘yilishi mumkin.

Majburiyatni bajarish maqsadida pasportni garov sifatida qabul qilish va topshirish taqiqlanadi.

❗️ Demak, surishtiruvchi, tergovchi, prokuror yoki sud tomonidan guvohning pasporti olib qo‘yilishiga yo‘l qo‘yilmaydi.

Pasportni ular faqat hibsga olingan yoki ozodlikdan mahrum etishga yoki qamoqqa hukm qilingan shaxsdan olib qo‘yishlari mumkin.

👉 @yurist_muzaffar 🫡