"VERUM" адвокатлик фирмаси / "VERUM" Адвокатская фирма

‼️ Hozirda jamiyatda sharʼiy nikoh asosida oila qurganlar orasida tug‘ilgan farzandlar uchun tug‘ilganlik haqidagi guvohnoma olishda qiyinchiliklar yuzaga kelmoqda.

Oila kodeksining 61-moddasiga muvofiq, bolaning otasini aniqlash va nasl-nasabini belgilash jarayoni muayyan huquqiy tartiblarni talab qiladi.

➖ Otalikni belgilash tartibi:
Bola sharʼiy nikohda tug‘ilgan taqdirda, otalik ota va onaning birgalikdagi arizasiga binoan FXDYO tomonidan belgilanadi.

➖ Agar ota-onaning birgalikda ariza berishi imkoni bo‘lmasa, otalikni tan olish:
Ona vafot etsa yoki onalik huquqidan mahrum qilinsa, Onaning qayerdaligi nomaʼlum bo‘lsa, Sud qaroriga ko‘ra, onaning muomalaga layoqatsiz deb topilishi holatlarida, otalikni vasiylik va homiylik organlari bilan kelishilgan holda alohida ariza asosida belgilanadi.

➖ Ariza berish muddati:
Otalikni belgilash uchun ariza bolaning tug‘ilganligi qayd etilgan paytda yoki undan keyin ham berilishi mumkin. Ona homiladorlik davrida tug‘ilajak bolaga otalikni belgilash to‘g‘risida ariza berish ham qonuniydir.

Xulosa qilib aytganda, sharʼiy nikoh asosida farzand tug‘ilgan taqdirda, FXDYO organlariga otalikni belgilash to‘g‘risida murojaat qilish orqali bolaning tug‘ilganlik guvohnomasi rasmiylashtirilishi mumkin. Bu jarayon qonuniy asoslarda amalga oshirilishi lozim.

"⚖️ Verum" advokatlik firmasi — sizning huquqlaringiz himoyachisi!

⚖ @Verumlf_uz

So‘nggi kunlarda chet tili o‘qituvchilariga ustama haq to‘lash tartibi ijtimoiy tarmoqlarda keskin muhokama qilinmoqda.

2025-yil 1-yanvardan boshlab, chet tili sertifikati uchun ustama 50 foizdan 20 foizga tushishi haqida xabarlar pedagoglar orasida tushunmovchiliklarga sabab bo‘ldi.

Prezidentning 2022-yil 11-maydagi PF-134-son farmoniga ko‘ra:

Xalqaro tan olingan sertifikatga ega pedagoglarga 50 foizlik ustama to‘lanadi. Milliy baholash tizimida xalqaro standartlarga mos sertifikatga ega l bo‘lganlarga ham 50 foiz ustama belgilangan.

Biroq, milliy tizimda olingan, ammo xalqaro standartlarga mos bo‘lmagan sertifikat uchun ustama:

2025-yil 1-yanvarga qadar – 50 foiz, 2025-yildan1-yanvardan boshlab – 20 foiz miqdorda bo'ladi.

Xulosa: Xalqaro tan olingan sertifikatlarga 50 foiz ustama to‘lanadi. Ammo xalqaro standartlarga mos bo‘lmagan uchun ustama miqdori 20 foiz miqdorda to'lanadi.

"⚖️ Verum" advokatlik firmasi — sizning huquqlaringiz himoyachisi!

⚖ @Verumlf_uz

Shu bilan bir qatorda shuni bilish lozimki, jazodan muddatidan ilgari shartli ravishda ozod qilish:

➖a) umrbod yoki uzoq muddatga ozodlikdan mahrum qilishga hukm etilgan shaxsga;

➖b) o‘ta xavfli retsidivistga;

➖v) uyushgan guruh yoki jinoiy uyushmaning tashkilotchi va qatnashuvchilariga;

➖g) javobgarlikni og‘irlashtiradigan holatlarda qasddan odam o‘ldirganlik, 18 yoshga to‘lmagan jabrlanuvchining nomusiga tekkanlik yoki unga nisbatan zo‘rlik ishlatib, jinsiy ehtiyojni g‘ayritabiiy usulda qondirganlik, 18 yoshga to‘lmagan shaxsni jinsiy aloqada bo‘lish yoki jinsiy ehtiyojni g‘ayritabiiy usulda qondirish bilan bog‘liq holda jinsiy aloqa qilishga majbur etganlik, 16 yoshga to‘lmagan shaxs bilan jinsiy aloqa qilganlik yoki jinsiy ehtiyojni g‘ayritabiiy usulda qondirganlik yoki unga nisbatan uyatsiz-buzuq harakatlar qilganlik, voyaga yetmagan shaxs tavsiflangan yoki tasvirlangan pornografik mahsulotni tarqatish, reklama qilish, namoyish etish maqsadida O‘zbekiston Respublikasi hududiga olib kirganlik, xuddi shuningdek uni tayyorlaganlik, tarqatganlik, reklama qilganlik, namoyish etganlik yoxud voyaga yetmagan shaxsni pornografik xususiyatga ega harakatlarning ijrochisi sifatida jalb etganlik, voyaga yetmagan shaxsni jalb etgan holda qo‘shmachilik qilganlik, fohishaxonalarni tashkil etganlik yoki saqlaganlik, O‘zbekiston Respublikasiga, tinchlikka va insoniyat xavfsizligiga qarshi jinoyat sodir etganlik, yadroviy, kimyoviy, biologik va boshqa xildagi ommaviy qirg‘in qurollarini, shunday qurollarni ishlab chiqarish uchun foydalanish mumkinligi ayon bo‘lgan material va uskunalarni, kontrabanda qilganlik uchun hukm qilingan shaxslarga;

➖d) jazodan muddatidan ilgari shartli ozod qilingan yoki jazosi yengilrog‘i bilan almashtirilgan va jazoning o‘talmagan qismi mobaynida qasddan yangi jinoyat sodir etgan shaxsga nisbatan qo‘llanilmaydi.

"⚖️ VERUM" advokatlik firmasi — sizning huquqlaringiz himoyachisi!

🌐 @verumlf_uz

Jazoni o‘tashdan muddatidan ilgari shartli ozod qilish:

📝 Jinoyat kodeksining 73-moddasiga asosan ozodlikdan mahrum qilish, intizomiy qismga jo‘natish, xizmat bo‘yicha cheklash, ozodlikni cheklash yoki axloq tuzatish ishlariga hukm qilingan shaxslarga nisbatan jazoni o‘tashdan muddatidan ilgari shartli ozod qilish qo‘llanilishi mumkin. Shaxs ijro etilmagan qo‘shimcha jazodan ham ozod qilinishi mumkin. Ya'ni, qo'shimcha jazo sifatida belgilangan muayyan huquqdan mahrum qilish jazosi ham muddatidan avval shartli ozod qilinishi mumkin.

‼️ Qonunda jazoni o‘tashdan muddatidan ilgari shartli ravishda ozod qilish ushbu moddaning birinchi qismida ko‘rsatilgan jazo turlari uchun o‘rnatilgan tartib-qoida talablarini bajargan va mehnatga halol munosabatda bo‘lgan mahkumga nisbatan qo‘llanilishi belgilab o'tilgan. Bu shuni anglatadiki, mahkumni jazodan muddatidan avval ozod qilish uchun jazoni ijro etish muassasasi yoki jazolarni ijro etish inspeksiyasining mahkum haqida ijobiy tavsifnomasi talab etiladi. Bunda mahkum jazoni o'tash davomida intizomiy jazoga tortilmagan bo'lishi lozim.

Jazoni o‘tashdan muddatidan ilgari shartli ravishda ozod qilish mahkum:

➖ a) ijtimoiy xavfi katta bo‘lmagan "ya'ni, qasddan sodir etilib, qonunda 3 yildan ko‘p bo‘lmagan muddatga ozodlikdan mahrum qilish tarzidagi jazo nazarda tutilgan jinoyatlar, shuningdek ehtiyotsizlik oqibatida sodir etilib, qonunda 5 yildan ko‘p bo‘lmagan muddatga ozodlikdan mahrum qilish tarzidagi jazo nazarda tutilgan jinoyatlar" yoki uncha og‘ir bo‘lmagan jinoyati "qasddan sodir etilib, qonunda 3 yildan ortiq, lekin 5 yildan ko‘p bo‘lmagan muddatga ozodlikdan mahrum qilish tarzidagi jazo nazarda tutilgan jinoyatlar, shuningdek ehtiyotsizlik oqibatida sodir etilib, qonunda 5 yildan ortiq muddatga ozodlikdan mahrum qilish tarzidagi jazo nazarda tutilgan jinoyatlar" uchun sud tayinlagan jazo muddatining kamida 1/3 qismini;

➖b) og‘ir jinoyati "ya'ni, qasddan sodir etilib, qonunda 5 yildan ortiq, lekin 10 yildan ko‘p bo‘lmagan muddatga ozodlikdan mahrum qilish jazosi nazarda tutilgan jinoyatlar" uchun, shuningdek qasddan sodir etgan jinoyati uchun, agar shaxs ilgari qasddan sodir etgan jinoyati uchun ozodlikdan mahrum etishga hukm qilingan bo‘lsa, sud tayinlagan jazo muddatining kamida 2/3 qismini;

➖v) o‘ta og‘ir jinoyati "ya'ni, qasddan sodir etilib, qonunda 10 yildan ortiq muddatga ozodlikdan mahrum qilish yoxud umrbod ozodlikdan mahrum qilish jazosi nazarda tutilgan jinoyatlar" uchun, sud tayinlagan jazo muddatining kamida 3/4 qismini haqiqatda o‘tab bo‘lganidan keyin qo‘llanilishi mumkin.

"⚖️ VERUM" advokatlik firmasi — sizning huquqlaringiz himoyachisi!

🌐 @verumlf_uz