Oʻzbekiston XDP

Toshkentda yangi BPT tashkil etildi

O‘zbekiston XDP Yunusobod tumani kengashi tashabbusi bilan tumanda joylashgan Chinobod sanatoriyasida tadbir tashkil etildi. Unda O‘zbekiston Xalq demokratik partiyasining dasturiy maqsad va vazifalari haqida so‘z bordi.

Xususan, partiya ijtimoiy himoyani kuchaytirish, barcha uchun teng imkoniyatlar yaratish, davlat mas’uliyatini oshirish kabi yo‘nalishlardagi tashabbuslari haqida ma’lumot berildi. Shuningdek, partiyaning tibbiy xizmat sifatini oshirish, doriga qaramlikni kamaytirish, farmatsevtika sohasiga xalq tabobatini keng jalb etishga oid hayotiy takliflari haqida to‘xtalib o‘tildi...
___
🌐 XDP.uz
👉Telegram|Facebook|Youtube|Instagram|Twitter

#Munosabat

Quvalik deputatlar ancha faol

Yaqinda xalq deputatlari Quva tuman Kengashining navbatdagi VII chaqiriq ikkinchi sessiyasi bo‘lib o‘tdi. Unda partiyamiz elektorati bo‘lgan nogironligi bo‘lgan insonlar manfaati bilan bog‘liq bir qator masalalarni muhokama qildik.

Sessiya kun tartibiga asosan dastlab sohaga tegishli qarorlar ijrosini ko‘rib chiqdik. Shuningdek, “Inson” ijtimoiy xizmatlar markazi rahbarining hisoboti tinglandi.

Sessiyada, shuningdek, nogironligi bo‘lgan insonlar uchun obyektlar va xizmatlarning qulayligi, ularga to‘siqsiz muhit yaratish bilan bog‘liq takliflarimizni berdik.

Ushbu sessiyada o‘tirib, deputatlar faolligi haqida o‘yladim. Hozir yonib turgan, mard, o‘z fikrini dadil ayta oladigan deputatlarimiz juda ko‘p. Bunday deputatlar maqsadiga erishmay qo‘ymaydi...

Maxammatsoli MELIBAYEV,
xalq deputatlari Quva tuman Kengashi deputati.
___
🌐 XDP.uz
👉Telegram|Facebook|Youtube|Instagram|Twitter

Deputatlar uyg‘oq fikr, uyg‘oq vijdon egasi bo‘lishi kerak

Surxondaryo viloyatida O‘zXDP Markaziy Kengash tomonidan hududlarda yangi saylangan deputatlar ishtirokida “Xalq deputatlari mahalliy Kengashlardagi partiya guruhlari rolini oshirish va faoliyatini takomillashtirish” mavzusida o‘quv-seminar tashkil etildi.

Tadbirda partiya Markaziy Kengashi raisi o‘rinbosari Maqsuda Vorisova Qonunchilik palatasining saylovdan keyingi birinchi majlisidagi Prezident ma’ruzalaridan kelib chiqib belgilangan vazifalarga to‘xtalib o‘tdi. Yangi saylangan deputatlar oldida turgan ustuvor vazifalar, g‘oya va tashabbuslarni ro‘yobga chiqarishda partiya guruhlarining roli va o‘rni haqida tushunchalar berdi...
___
🌐 XDP.uz
👉Telegram|Facebook|Youtube|Instagram|Twitter

Deputatlar ijtimoiy soha obyektlarini o‘rganmoqda

Xalq deputatlari Boyovut tuman Kengashi deputatlari ijtimoiy soha obyektlarida bo‘lib, u yerdagi holatni o‘rganmoqda. Xususan, kuz-qish mavsumiga ko‘rilgan tayyorgarliklarni ko‘zdan kechirishmoqda.

Xalq deputatlari Boyovut tuman Kengashi 17-Yangibo‘ston saylov okrugiga O‘zXDPdan saylangan deputat A.Ibadullayev «O‘zbekiston» mahallasiga borib, «G‘allakor» OSHPga qarashli konteynerda joylashgan tibbiyot punktidagi shart-sharoitlar bilan tanishdi. Xodimlar va aholi uchun zarur masalalarni o‘rgandi...
___
🌐 XDP.uz
👉Telegram|Facebook|Youtube|Instagram|Twitter

Deputatlik saylovchilar ishonchi demakdir

Xalq deputatlari Buxoro shahar Kengashi deputatlari M.Tarobiy mahallasida aholi bilan muloqot qildi. Mahalladagi mavjud muammolarni o‘rganishdi.

Ma’lum bo‘lishicha, mazkur MFY maydoni 500 gektardan ziyod. Ammo shunisi ham borki, mahalla binosi aholi borishiga noqulay joyda. Murojaatlarda uni aholiga qulay manzilga ko‘chirish bo‘yicha yordam so‘raldi.

Shuningdek, Buxoro tumanining 5 ta qishlog‘i Buxoro shaharga qarashli ekani va aholi mulk soliqlarini Buxoro tuman soliq inspeksiyasiga to‘lov qilishlari, tadbirkorlik faoliyatini boshlamoqchi bo‘lgan aholi qatlami kredit olishda muammolarga duch kelayotgani aniqlandi. Ushbu masala ham mutasaddilar bilan kelishilgan holda hal etiladigan bo‘ldi...
___
🌐 XDP.uz
👉Telegram|Facebook|Youtube|Instagram|Twitter

#Munosabat

Hamisha dolzarb

Kambag‘allikni qisqartirish va kuchli ijtimoiy himoyaning mukammal tizimini yaratish Yangi O‘zbekiston siyosatining asosiy yo‘nalishiga aylandi. Barcha islohotlar “Inson qadri uchun” tamoyili asosida olib borilmoqda. Buni so‘nggi yillarda ijtimoiy sohadagi natijador chora-tadbirlar misolida ham ko‘rish mumkin. Jumladan, “Temir daftar”, “Ayollar daftari”, “Yoshlar daftari”, “mahallabay” va “xonadonbay” ishlash usullari aynan shu maqsadlar uchun joriy etildi. Bu orqali xotin-qizlar, yoshlar, umuman, ijtimoiy yordamga muhtoj insonlarning muammolari manzilli o‘rganilib, o‘z vaqtida samarali hal etishga harakat qilinmoqda.

Prezident raisligida bo‘lib o‘tgan videoselektor yig‘ilishida sohadagi kamchiliklar ko‘rsatib o‘tildi. Kelasi yili 1 million 200 ming aholini kambag‘allikdan chiqarish uchun ta’lim, to‘garak, kasb-hunar, tibbiyot masalalarini hal qilish va yashash sharoitini yaxshilash zarurligi ta’kidlandi.

Aytish kerakki, yig‘ilishda aytilgan har bir fikr bevosita partiyamiz elektorati manfaatlariga daxldor ekani bilan ahamiyatlidir. Chunki XDPning kelgusi 5 yillikka mo‘ljallangan dasturida nogironligi bo‘lgan shaxslar, yolg‘iz keksalar, pensionerlar, ijtimoiy himoyaga muhtoj kishilarning hayotini farovonlashtirishga oid tashabbuslar ilgari surilgan. Davlat rahbari aytgan topshiriqlar esa bu boradagi faoliyatimizni yangi bosqichga chiqaradi...

Xalilla YESHIMBETOV,
O‘zXDP Qoraqalpog‘iston Respublika Kengashi raisi,
Qoraqalpog‘iston Respublikasi Jo‘qorg‘i Kengesidagi partiya fraksiyasi rahbari.
___
🌐 XDP.uz
👉Telegram|Facebook|Youtube|Instagram|Twitter

Gender tenglikni ta’minlashda eng faol deputat

Sherobod tumanidagi 8-sonli bolalar musiqa va san’at maktabi direktori, xalq deputatlari tuman Kengashidagi O‘zXDP guruhi a’zosi Nigora Saidova «Gender tenglik faoli» milliy tanlovining Surxondaryo viloyat bosqichida faol ishtirok etdi. Deputat «Gender tenglikni ta’minlashda eng faol tuman davlat organi» nominatsiyasida g‘olib bo‘ldi va Respublika bosqichida ishtirok etish yo‘llanmasini qo‘lga kiritdi.

Nigora Saidova o‘zining faoliyatida ayollar uchun har tomonlama qulay sharoitlar yaratish, ularni ijtimoiy va iqtisodiy hayotga jalb qilish, gender tenglikni ta’lim va madaniyat sohasida targ‘ib qilishga katta e’tibor qaratmoqda...
___
🌐 XDP.uz
👉Telegram|Facebook|Youtube|Instagram|Twitter

#Munosabat

Inson qadri uchun!

Konstitutsiyamizda davlatning ijtimoiy sohadagi majburiyatlari bilan bog‘liq normalar 3 barobarga ko‘paytirilib, ijtimoiy davlat modelini amalga oshirish mexanizmlari belgilangan. Asosiysi, bu mexanizmlar izchillik bilan hayotga yo‘naltirilmoqda.

Ijtimoiy himoya sohasiga oid ustuvor vazifalar yuzasidan o‘tkazilgan videoselektor yig‘ilishida bildirilgan fikrlar, belgilangan vazifalar sohaga shaffof baho berish, kelgusi rejalarni aniqlab olish imkonini ham berdi.

Kambag‘al oilalar farzandlarini tayyorlab, 2025-yilda 3,5 ming yigit-qizni oliygohga grant asosida qabul qilish zarurligi qayd etildi. Buning uchun oliygoh rektorlari ham bosh-qosh bo‘ladi. Ya’ni, kambag‘al oiladan jami 4 ming nafar yoshlarni o‘qitish ularga vazifa sifatida topshirildi.

❓ Nega aynan yoshlar? Sababi, kambag‘allikka tushib qolish xavfi aholining zaif qatlami, ya’ni, yoshlar, xotin-qizlar va ehtiyojmand kishilarda ko‘proq bo‘ladi. Shundan kelib chiqib, yoshlarni kasb-hunarli, bilimli qilish jamiyat uchun, davlat uchun juda muhimdir...

Muzaffar TUROPOV,
XDP Qashqadaryo viloyat kengashi raisi o‘rinbosari.
___
🌐 XDP.uz
👉Telegram|Facebook|Youtube|Instagram|Twitter

#Munosabat

Har bir bola – e’tiborda

To‘g‘risini aytsam, inson oldiga katta reja va maqsadlar qo‘yishi hamda ularni amalga oshirishi uchun ham imkoniyat, sharoit va qo‘llov kerak bo‘ladi. Davlatimiz rahbari ishtirokida bo‘lib o‘tgan yig‘ilishda aytilgan fikrlar ayni ko‘nglimdagi gap bo‘ldi. Chunki endilikda nogironligi bor bolalar uchun teng imkoniyat va sharoit yaratilishi mening eng katta istaklarimdan biridir.

Yig‘ilishda bog‘cha va maktab yoshidagi nogironligi bor bolalarning asosiy qismi maxsus maktab-internatlarda, ota-onasidan uzoqda ta’lim olishi tanqid qilindi.

Shunisi aniqki, imkoniyati cheklangan bolalar ko‘proq oilasi va yaqinlari mehriga ehtiyoj sezadi. Boshqalar bilan o‘zini teng ko‘rishi uchun ularga sharoit va qarov zarur. Masalan, so‘ngi yillarda ta’lim sohasiga zamonaviy texnologiyalar, Internet, elektron dasturlar kirib keldi. Nogironligi bor bolalarga bu dasturlarni o‘zlashtirishi uchun ma’lum bir vaqt va maxsus ustozlar talab etiladi...

Obloberdi OLIMOV,
O‘zXDP Farg‘ona viloyat kengashi raisi o‘rinbosari,
xalq deputatlari Quva tuman Kengashidagi partiya guruhi a’zosi.
___
🌐 XDP.uz
👉Telegram|Facebook|Youtube|Instagram|Twitter

Har bir rag‘bat ortida ezgu maqsad bor

O‘zbekiston XDP Nishon tumani kengashi tomonidan navbatdagi tuhfa tuman axborot kutubxona markazi boshlang‘ich partiya tashkilotiga bo‘ldi.

Partiyamizning ustuvor vazifalaridan sanalgan nogironligi bo‘lgan fuqarolarni qo‘llab-quvvatlash hamisha e’tibor markazida. Shundan kelib chiqib, joylarda turli tadbirlar tashkil etiladi. Shundan kelib chiqib, partiyaning Nishon tuman kengashi xayrli tashabbusga qo‘l urdi. Xususan, ko‘zi ojiz kitobxonlar uchun brayl alifbosida yozilgan O‘zbekiston Respublikasining yangi tahrirdagi Konstitutsiyasi kitoblari axborot kutubxona markaziga tuhfa qilindi...
___
🌐 XDP.uz
👉Telegram|Facebook|Youtube|Instagram|Twitter

#Munosabat

G‘oya-tashabbuslarimiz “yo‘l xaritasi”

Aholining ijtimoiy himoyaga muhtoj qatlamlari vakillari bizning elektoratimiz, bizga yaqin bo‘lgan insonlardir. Shu nuqtai nazardan aytish mumkinki, videoselektor yig‘ilishda belgilangan vazifalar partiyamiz g‘oya va tashabbuslarini amalga oshirishda “yo‘l xaritasi” vazifasini bajaradi.

XDP Andijon viloyat Kengashidagi partiyamiz guruhi shahar, tumanlardagi deputatlik guruhlari bilan birgalikda yolg‘iz yashaydigan qariyalarning ahvoli, ularga ko‘rsatilayotgan xizmatlar va yordamlarning sifatiga doimiy e’tibor qaratib kelamiz.

Shuningdek, maktabga qatnash imkoni bo‘lmagan bolalarga uyda yakka tartibda ta’lim berish, birlamchi tibbiyot muassasalarida ko‘p bolali, boquvchisini yo‘qotgan, kam ta’minlangan oilalarga tibbiy xizmatlar ko‘rsatishning holati kabi masalalarni uyma-uy o‘rganamiz. Yurtdoshlarimiz bilan suhbatlashganimizda ularning bugungi o‘zgarishlardan mamnunligiga guvoh bo‘lamiz va bu bizga kuch beradi.

13-dekabrda Prezident raisligida o‘tkazilgan yig‘ilishda ehtiyojmand hamyurtlarimizga ko‘rsatiladigan xizmatlar va yordamlar natijadorligi yanada ortishini eshitib, ilhomlandik. Yig‘ilishda belgilab berilgan vazifalar kelgusi faoliyatimizda dasturulamal bo‘ladi...

Muqaddasxon SULTONOVA,
O‘zbekiston XDP Andijon viloyat kengashi raisi,
viloyat Kengashidagi partiya guruhi rahbari.
___
🌐 XDP.uz
👉Telegram|Facebook|Youtube|Instagram|Twitter